«طاقة نور».. قصيدة جديدة للشاعر علاء الدين ظاهر

أنا خلاص قررت أثور
علي الضلمة.. وأفتح طاقة نور
وأخلي قلبي كتاب مفتوح
وريحة الحب منه تفوح
والفرحة من حواليه بتدور
هاعيش حياتي بكل بساطة
مش مرة..لأ اتنين وتلاتة
هاكسر كل قيود أيامي
وأتعاهد مع كل آلامي
أنها تبقي هباء منثور
هاتصالح مع قلبي وعيني
وأتعاهد مع كل سنيني
أني أملاها هنا وسعادة
والخير يبقي فيها بزيادة
وأكسر من حواليها السور
الدنيا فيها أشكال وألوان
مش كله صادق ولا إنسان
فيها ناس محترفة خيانة
وناس تبيع بكل أمانة
وبكرة ييجي عليها الدور