فى حب مصر

وبتنهد أنا فى حبك
...
لكنّى صوتى مش طالع
أنا اللى تملّى بندهلك
وعلو الصوت ماهوش نافع
بغنّيلك بأعلى صوت
وإيه الفايده وأنا المكبوت
ومش قادر أعبرلك
ولا اشرحلك
ولا اوصللك
أنا اللى هاجى على قلبى
وحفضل أحتمى بقلبك
برغم الخوف على بكرة
أنا راح اكون أسير حضنك
حيجى اليوم وحتحبّى
وانا بخوفى هغنيلك
وهرقصلك
وادندنلك
ده صوتى أمانه فى رقبتى
حيوصل ليكى وبخطّى
راح اكتبلك سنين صمتى
علامة صح ليكى إنتى
وبدعى ربنا يستر
ومتروحشى بعيد عنك
بعيد عنك
وبتنهد أنا فى حبك
لكنّى صوتى مش طالع
أنا اللى تملّى بندهلك
وعلو الصوت ماهوش نافع
بغنيلك بأعلى صوت
وإيه الفايده وأنا المكبوت
ومش قادر أعبرلك
ومش قادر أعبرلك