"6 أبريل" توزع 10 آلاف منشور يطالب أهالى دمياط بالمشاركة في مظاهرات 25 يناير

قامت صباح اليوم، الثلاثاء، حركة شباب 6 أبريل بدمياط بتوزيع عشرة آلاف منشور لحث المواطنين على المشاركة في احتجاجات يوم 25 يناير المقبل بميدان الساعة بدمياط.
وجاء في البيان الذى تم توزيعه في مختلف أنحاء محافظة دمياط أن "الدعوة للنزول في الميادين في الخامس والعشرين من يناير الحالى تأتي لإعلان رفض الشعب لأخونة الدولة وللمطالبة بحق الشهداء والقصاص ممن اغتالوا كرامة المصريين وأهدروا دماءهم".
وأضاف البيان أنه "على الثوار حماية الثورة التى سرقتها جماعة الإخوان المسلمين ولاستكمال أهدافها التى لم يتحقق منها أى شيء نادت به الثورة".
وجاء في البيان: "زي الأيام دي كنا بنقول عيش – حرية – كرامة إنسانية وهما نزلوا معانا وقالوا نفس الكلام، مشينا ديكتاتور وقالوا تعديلات دستورية عشان العجلة تدور قلنا ماشي، قالوا انتخابات شورى وشعب عشان المحاكمات والاستقرار قلنا هتفرج، قالولنا الاستقرار والنهضة هاييجوا بعد انتخابات الرئاسة.. وصبرنا بقالنا شهور.. 6 شهور منتظرين النهضة والاستقرار اللى وعدونا بيه.. ولغاية دلوقتى. عشان لسه بيستخدموا نفس السياسات الفاشلة لسه الظلم موجود، والفساد موجود، البطالة موجودة، والحال واقف، ومفيش أمن ومفيش استقرار".
واختتم البيان مطالبة الدمايطة بالخروج يوم 25 يناير المقبل للمشاركة في المظاهرات بميدان الساعة بدمياط.