EN
علق رضا عبد العال، نجم النادي الزمالك والأهلي السابق، علي مباراة الزمالك والأهلي اليوم، قائلا: «الدوري بتاعنا سمك لبن تمر هندي».
وأضاف "عبدالعال"، خلال مداخلة هاتفية ببرنامج "مساء دي إم سي"، المُذاع عبر فضائية "دي إم سي"،: «كنا بنلعب في ملعب رز غرقان مياه، وميفعش نحكم على اللاعبين والمدربين في هذا الملعب، واللي حصل دا مهزلة».
وتابع: «كان فيها إيه إن الماتش يتأجل، ودا كان ماتش من الدور الأول، وإحنا حاليا بنلعب في الدور الثاني»، مضيفا: «اللاعيبة معذورين علشان كانوا بيعلبوا في بركة مياه».
وقال: «اللاعيبة كانوا بيتزحلقوا ولا كأنهم بيرموا نفسهم في ترعة ودا إن دل علي شئ يدل علي فشل اتحاد الكرة، وهل يعقل إن مانش الأهلي والزمالك يتلعب في أجواء زي دي».
