EN
شهدت مدينة طلخا واقعة تعذيب جديدة لطفلة 7 سنوات، حيث تداولت صفحات التواصل الاجتماعى استغاثه من طفله تدعى سما محمد ٧ اعوام لوالدها المقيم بالخارج، ضرب جدتها والدة ابيها لها وتعذيبها ".
يذكر أن والدي الطفلة منفصلين منذ فترة وتزوج الأب من أخرى والأم من آخر وأصبحت الطفلة فى معاناة كبيرة.
حيث كتبت لوالدها "انا بنتك سما محمد عبد الظاهر انت دلوقتى عايش فى إيطاليا وسيبنى هنا مع تيتا اللى هى مامتك ودى صورى واللى عاملته فيا وانت مسافر، للأسف تيتا خانت امنتك اللى سيبها عندها وهى زى ما انت شايف فى الصوره كده كسرتلى دراعى ومشوهانى وحرقانى بالنار فى فخدى وكانت بتربطنى بالحبل فى رجل الكنبه ومشوه جسمى بالنار وقصتلى شعرى كمان انا اتحجزت فى مستشفى الدولى فى المنصوره ومقلولكش حاجه شوفت كل حاجه وحشه فى حياتى عندها والفلوس اللى كنت بتبعتها مش بتصرفها عاليا وكانو لما بيخرجوا يقعدونى فى شنطه العربيه ياريت ترحمنى من اللى انا فيه هو ذنبى انى بنتك ياريت تاخودنى او تسبنى عند جدو ابو ماما أحمد السروى هو احن واحد عليا فى الدنيا انت متخيل يابابا انى فى سنى الصغير ده اللى معداش السبع سنين دخلت عند وكيل نيابه واقسام ومحاكم وكمان كشفوا عليا امراض نسا ياريت ترحمنى انا مش ذنبى انى جيت الدنيا على اسمك ارحمنى من اهللك اللى كسرونى وعذبونى وكانوا بيموتونى كمان والله يابابا".
حرر محضر بمركز طلخا واخطرت النيابه للتحقيق.
