الإشراف العام
إلهام أبو الفتح
رئيس التحرير
أحمــد صبـري
الإشراف العام
إلهام أبو الفتح
رئيس التحرير
أحمــد صبـري

السيسي: هخلي الجيش ينزل كل قرى مصر لو لم تتوقف مخالفات البناء

صدى البلد

قال الرئيس عبد الفتاح السيسي، إن الدولة المصرية لديها القدرة على رصد التطورات والمتغيرات المتعلقة بالبناء على الأرض يوما بعد يوم. 

وأضاف على هامش افتتاح مشروعات قومية بالإسكندرية: "خلال الـ 10 سنين الماضية، أستطيع أن أقول خلال التوقيت باليوم والساعة ما حدث من تطوير في كل منطقة، ونحن جادين في حلمنا لبلدنا، ولما نقول هنظبط الدنيا ونسيطر بنعمل كدة، وعندنا منظومة كلفتنا كتير أوي". 


وتابع: "طب المحافظ والمحليات فين، وهم شايفين إهدار أرض غالية جدا لتحويلها لمباني، طب انتوا ناويين تعملوا ايه في بلدكم، وأنا مش عارف أعمل إيه.. إيه اللي إحنا فيه ده يا جماعة دي أرضنا اللي بنزرع وناكل منها.. أنا بقول كدة لأن الدولة بمؤسساتها كلها مسئولة عن الحفاظ على الأراضي ولن أسمح أبدا إن إحنا نهد بلدنا ولو الأمر لزم هخلي الجيش المصري ينزل كل قرى ويا نوقف وتبقى الدولة مظبوطة يا هسيب مكاني وأمشي". 

وأوضح الرئيس: "أنا لما بجيب حد أحاسبه، فذلك بناء على منظومة تستطيع أن تتابع العمل على مدى 10 سنين مضوا من 2011 وحتى الآن، وهنبقى النهاردة وإحنا بنقارن الموقف هبص عليها مش هنزل لجان، ولكن عندنا تكنولجيا بتخلينا نقدر نشوف شكل الدولة المصرية".