EN
التوأم هو روح مرتبطة بروح، بيشوفك غير كل الناس مابتشوفك، شخص بيحس بيك ويحبك بطريقة مختلفة عن الجميع،توأم الشعلة وتوأم الروح مصطلحات ممكن أول مرة تسمع عنها، ف حبيت باختصار أوضحها لأن ف ناس فعلا بتكون ف العلاقات دى بس مش قادرة تفهمها .
توأم الروح ..هو روح مختلفة عنك بتكملك وبتساعدك على التطور والحياة بيحبك بكل أحوالك حب متبادل ومتوازن توأم الروح ممكن يكون أب أو أم أو قريب أو صديق ولو حبيب أغلبهم بيتجوزوا وبتكون حياتهم صعبة بس حبهم أقوي وبيفضلوا مع بعض لحد مايفرقهم الموت وبتحصل لغالبية الناس بشكل كبير جدا.
أما توأم الشعلة الاتنين روح واحدة انقسمت وبقت ف جسدين، الاتنين مرايا لبعض، حاجة كدة زى قصص الخيال... توأم الشعلة هو أصدق وأقوى حب ف الحياة بس للأسف أصعب حب ممكن الإنسان يعيشه وغالبا بيكون مكتوب عليهم الفراق والوجع، أغلبهم بيكون حب من الماضي يعني وهما ف سن الطفولة أو المراهقة مثلا واتفرقوا ومكملوش مع بعض لأي سبب كان،أو اتنين كانوا بيحبوا بعض واتجوزوا ف حياة سابقة لأن ف مننا عاش فعلا قبل كدة حياة أو أكتر سابقين وأرواحهم رجعت واتلاقت ف الحياة دى فبسرعة بيحسوا بالحب ده وكأنهم يعرفوا بعض كويس من زمان جدا ومشاعرهم بتكون قوية وإحساسهم ببعض بيكون فعلا مختلف جداا،توأم الشعلة بيدخلوا أو بيرجعوا حياة بعض ف الوقت الغلط وبيكون بينهم فوارق اما ف الديانة أو ف الجنسية أو السن أو بيكونوا ف علاقات جواز تانيه أو انه ف الوقت دة رافض الحب ومش عاوز علاقات عاطفية،فبتبدأ ترتبك من شدة انجذابك الجسدى والعاطفي لتوأمك لأن الفترة اللى قبل ماتقابل شعلتك بتكون ف علاقات سامة بتستنزف طاقتك جداا ممكن تكون زواج أو حب أو صداقة أو غيرهاعلاقات واشخاص بتبان قدامك عل حقيقيتها وبتنكشف لما تلاقي توأمك وتعرف الحب الحقيقي معاهالفترة الأولي ف علاقة الشعلة بتكون جميله والتوأمان مالينين بالطاقه الايجابيه والفرح وعنيهم بتشع بالفرح والسعادة حتي الناس بتنجذب ليهم بسبب طاقتهم وتفاءلهمبعد كدة من غير اسباب واضحه بتتحول علاقتهم ل بعد وقرب خوف وقلق وشغف وحب لحد ماربنا يريد يكونوا مع بعض او يبعدوا بعد ما كل واحد يفهم ايه هي الحكمه من وجودة ومعرفته ب شعلته .
لكن مهما بعدوا واتجوزوا وخلفوا وسافروا واتفرقوا مش بينسوا بعض و بيفضل شعلته هو دى الحب والشخص المميز ف حياته اكتر حد بيفهمه وبيشوف معاه الحياه جميله ومختلفه ومهما كان عيوبهم مش بيشفوها اصلا ف بعض ومهما شافوا ناس بيحسوا محدش زى توأمهم ف الشكل والطبع والحب والحنان وف كل حاجه ،هو شخصه المميز ال بيتمني يكون ديما معاه.
مهما كنت عقلاني مع شعلتك هتلاقي نفسك مجنون وعاطفي جدااا وانت معاه بتحس مغناطيس بيسحب روحك ، حب شاق وقاسي ولكنه ديما مشتغل ومستمر مهما ،حب بيخليك تحس ديما بتوأمك ف حزنه وفرحه من غير مايحكيه ودا ال بيخلي انتهاء العلاقه دى شبه مستحيله لان بينهم شوق قووي لبعض مش ينتهي..انت مش مطلوب منك تدور عل شعلتك ف الحياه لان لو ليك توأم شعله هيظهر ليك تلقائي ف الوقت ال هتكونوا انتوا الاتنين محتاجين لبعض فيه وف الوقت دة استعد لاصعب واقوي واغرب تجربه حب ممكن تشوفها وتعيشها ف حياتك ..
