EN 
كشف الفنان أحمد فهمى تفاصيل مثيرة عن المشادة التى حدثت بينه وبين لاعب نادى الزمالك محمود عبدالرازق "شيكابالا" خلال حفل زفاف.
وأضاف «فهمي» خلال مداخلة هاتفية فى برنامج "التاسعة" المذاع على القناة الاولى المصرية، أن سبب المشادة الكلامية رواسب قديمة حيث طالبه شيكابالا، أثناء تواجده في البرتغال بالتوسط له عند إدارة النادى الأهلى لينضم إلى النادى وهو ما فعله فهمى ولكن طلبه قوبل بالرفض، معقبا:" فيه شهود على القصة دى".
وأوضح أحمد فهمي، أن بعد ماتش السوبر بين الاهلى والزمالك، وما فعله شيكابالا وخطأه في جمهور النادى الأهلى كتبت بوست ألقى اللوم فيه على شيكابالا، معقبا:" انا غلطت فى البوست كان مفروض اكلمه فى التليفون عشان بينا عيش وملح".
وتابع أحمد فهمي، قائلا "شيكابالا زعل من البوست وانا مسحته واعتذرت ليه، اللى حصل أن مصطفى سيف العمارى قالى تعالى سلم على شيكابالا بما اننا فى الفرح، ورحت سلمت عليه، لكن لقيته بيقولى انا كنت اقدر اعمل اللى انت بتعمله بس ما رديتش، فرديت عليه قولتله يا شيكابالا انا جاى اسلم عليك".
مشيرا إلى أنه قال لـ شيكابالا "ليه شتمت ناس تخص جمهور الاهلى، رد قالى نعم يا اخويا وفضل يشتم فى النادى الاهلى وجمهور الاهلى".
