EN 
ردّ الفنان محمد فؤاد، على الملحن حلمي بكر عقب هجوم الأخير عليه بسبب غنائه لنوع جديد من الأغاني الذي وصفه بالرخيص، «بعت نفسك بالرخيص وبكرة تعيط»، قائلاً: «مش هعدي الموضوع بالسهل وردي هيزعلك بسبب هذه الجملة».
وعبّر «فؤاد» خلال مداخلة هاتفية مع الإعلامي سيد علي في برنامج «حضرة المواطن» المذاع على قناة «الحدث اليوم» عن حزنه الشديد بسبب هجوم حلمي بكر مؤخرًا، معقباً: «ناس كتير طلبت مني أرد على الملحن حلمي بكر النهاردة، وكان لازم أرد لأن الموضوع كبير ولكن ردي مش هيعجبه».
ووجّه «محمد فؤاد» رسالة لـ حلمي بكر: «يا أستاذ حلمي شد حيلك، وأنت أخ كبير وشوف أنت عايز إيه وإحنا هعملهولك، ولكن كلامنا هيتأجل بعدين، والموضوع مش هيعدي سهل، وأوعى تفتكر محمد فؤاد سهل، ومش عايز حد يزعل مني، لأن اللي حصل تجاوز غير مقبول ولا يغتفر لو انت مين».
وأكمل «فؤاد»: «عمري ما سمعت لك أغنية وأنا حاليًا مش فايق علشان أرد عليك، وتعالى نتكلم في حاجة تانية، لأني هتضايق نفسي»، متابعًا: «حلمي بكر نازل تقطيع وهجوم ضد الناس كلها وهو دلوقتي جالي وأنا مش هسكت، ومحدش يقدر يعطني ومواقفي كلها واضحة».
ومن ناحية أخرى كشف الفنان محمد فؤاد عن ألبومه الجديد، مؤكدا أنه سيطرح في الأسواق قريبا بعنوان «ليل»، وأول أغنية بعد غد، مضيفا أن هناك خطة جديدة للأعمال القادمة تتحدث عن الأوضاع الحالية.
وأوضح أن أغاني المهرجانات عمل موسيقي مقبول طالما لا يوجد اي تجاوز في كلمات الأغنية، ولا أحد يستطيع ان يحجر على الجمهور، خاصة أن هناك كثيرًا من الجمهور تحب هذا النوع من الأغاني.
