بعد الحكم بسجنها واستغاثتها بالرئيس.. ماذا ينتظر حنين حسام ؟

عاقبت محكمة جنايات القاهرة أمس، حنين حسام بالسجن 10 سنوات وغرامة 100 ألف جنيه كما عاقبت مودة الأدهم فتاة التيك توك بالسجن ٦سنوات وتغريمها ١٠٠ ألف جنيه ، وصدر الحكم من محكمة جنايات القاهرة المنعقدة بالتجمع الخامس برئاسة المستشار محمد أحمد الجندي.

بعد ساعات من صدور القرار والحكم على حنين حسام بالسجن المشدد 10 سنوات، خرجت حنين حسام عن صمتها وقامت بتسجيل مقطع فيديو تروي فيه تفاصيل ما حدث معها وردها على الحكم عليها، وتم نشر الفيديو من حساب باسمها على موقع الصور والفيديوهات أنستجرام، لكن هذا الحساب لا يوجد عليه سوى هذا الفيديو المنشور منذ قليل .

رد حنين حسام على الحكم عليها بـ10 سنوات

مشاهدات هائلة حصدها فيديو حنين حسام الأخير ، حيث اعتبرته رسالة استغاثة للرئيس عبد الفتاح السيسي، وقالت حنين حسام في الفيديو الجديد لها :" إنا لله وإن إليه راجعون .. المؤمن لما بيجيله مصيبة بيقول الحمدلله .. انا بوجه رسالة للرئيس السيسي وبسأل أنا عملت أيه ؟ ليه يتحكم عليا ب10 سنين مشدد . 

وتابعت حنين حسام :" مفتحتش بقي لما خرجت بعد حب 5 شهور ومحكتش أي حاجة حصلت معايا وحمدت ربنا اني رجعت لأهلي وجامعتي ، عايزين تحبسوني تاني ليه . 

واستطردت حنين حسام :" انا مغلطتش ومعملتش حاجة حرام ، ومعرفش يعني ايه اتجار بالبشر ، انا مخدتش حاجة من حد ، ومحدش حصله ضرر بسببي نهائي . 

وتابعت :" عملت إعلان لأبليكشن بشكل محترم وبدون أي لفظ خارج، وخدت فلوس عليه 300 دولار زي أي فلونسر ، وبعد شهر الدنيا اتقلبت عليا بسبب الإعلان ده ، والأبلكيشن ده موجود وناس كتير بتشتغل فيه اشمعنى أنا اللي أتحاكم بسببه " . 

وأضافت :" جمعت شتات نفسي بالعافية عشان اطلع استنجد بالريس والناس ، أنا بموت ياريس بنتك بتموت وانا مظلومة " . 

وتابعت حنين حسام في الفيديو :" يا ناس عمري ماكنت غنية ولا عمري كنت مليونيرة .. عمري ما طلعت من توبي وعمري ما عملت حاجة لحد تأذيه في عرضه ولا شرفه بدليل أن محدش كشف عليا ". 

واستكملت :" ليه أخد 10 سنين وانا عدي 20 سنين  فين حياتي ومستقبلي، أهلي هيعيشولي ، عمري ما طلعت في فيديو مخل ولا لابسة حاجة مخلة ، حنين حسام هي اللي فسدت أخلاق الناس؟ الناس بتعمل كل حاجة أنا عملت ايه أو غلطت في ايه " . 

وتابعت :" امي بين ايدين ربنا ومنهارة ، وبتسأل عني طول الوقت ، أنا وحيدة أمي وابويا اللي تعبوا عليا وبيموتوا عشاني، ليه مستقبل طالبة جامعية يضيع ".

قرار الحكم علي حنين حسام

وكانت محكمة مستأنف القاهرة الاقتصادية، برأت حنين حسام ومودة الأدهم و3 آخرين من تهمة التعدي على القيم والمبادئ الأسرية، وإلغاء حكم محكمة جنح القاهرة الاقتصادية بمعاقبتهن بالحبس سنتين وغرامة 300 ألف جنيه، وتأييد الغرامة لمودة الأدهم فقط.

ووجهت التحقيقات تهمة ارتكاب مودة الأدهم و حنين حسام و3 آخرين، جريمة الاتجار بالبشر بتعاملها مع أشخاص طبيعيين هنَّ فتيات استخدمتهنَّ في أعمال منافية لمبادئ وقيم المجتمع المصري؛ للحصول من ورائهن على منافع مادية؛ وكان ذلك استغلالاً لحالة الضعف الاقتصادي وحاجة المجني عليهنَّ للمال، والوعد بإعطائهنَّ مبالغ مالية، وقد ارتكبت تلك الجريمة من جماعة إجرامية منظمة لأغراض الاتجار بالبشر.

ماذا ينتظر حنين حسام ؟

حددت محكمة جنايات القاهرة، جلسة 28 يونيو الجاري لنظر أولى جلسات إعادة إجراءات محاكمة فتاة التيك توك حنين حسام في قضية الإتجار في البشر.

فيما تقدم دفاع فتاة التيك توك حنين حسام، بأوراق إعادة إجراءات محاكمتها في قضية الإتجار في البشر، وذلك عقب الحكم عليها غيابيا بالسجن 10 سنوات.