اعتزال ثم عودة ثم توبة .. أزمات حلا شيحة عرض مستمر

حالة من الجدل الواسع أثارتها الفنانة حلا شيحة خلال الساعات الماضية، بعد أن أعلنت توبتها واعتزالها الوسط الفني ، بعد طرح كليبها الأخير مع النجم تامر حسني من فيلم مش أنا ، لتبدأ معركة بين حلا شيحة وتامر حسني على مواقع التواصل الإجتماعي . 

أزمة كليب بحبك

القصة بدأت بعد طرح كليب بحبك لتامر حسني من فيلم مش أنا ، والذي شاركته فيه حلا شيحة ، ويعتبر ذلك كان أول عمل فني تشارك فيه بعد زواجها من معز مسعود ، وصورت حلا شيحة الفيلم وكانت سعيدة به بحسب ما قيل مؤخراً، لكن بعد إعلان كليب بحبك ، والنجاح الساحق لفيلم مش أنا، تغيرت وجهة نظر حلا شيحة تماماً وأعلنت توبتها واعتزالها، وهاجمت تامر حسني في منشور على أنستجرام، وأعلنت تبرؤها من هذا العمل الذي يتضمن مشاهد رومانسية جمعتها بتامر حسني . 

راندا البحيري تهاجم حلا شيحة: حد ياخد منها الموبايل بسرعة

الخناقة بينك وبين جوزك.. ملحن أغنية بحبك يفتح النار على حلا شيحة

اعتزال حلا شيحة

زواج حلا شيحة و معز مسعود كان له تأثير كبير و واضح على قراراتها الأخيرة، فهي للمرة الثانية تعلن أعتزالها بعد زواجها، لكنها هذه المرة هاجمت زملائها بالوسط الفني قائلة :" أنا متأكدة أن جواهم خير لكنها فتنة الشهرة " . 

وبالعودة لحياة حلا شيحة، فهي كانت قد تزوجت من الفنان هاني عادل  أحد أعضاء فريق وسط البلد هاني عادل ولكن الزواج لم يدم طويلا وتم الطلاق، وبعدها أعلنت حلا شيحة اعتزالها الفن وارتدت النقاب وتزوجت من رجل كندي كان قد اعتنق الإسلام قبل زواجهم بعدة سنوات وأقامت مع زوجها حينئذ في الإسكندرية ثم هاجروا إلي كندا وأنجبت منه 4 أبناء (ولدين وابنتين).

وفي أغسطس 2018 أعلنت حلا شيحة خبر خلعها للحجاب وعودتها للتمثيل بعد انقطاع عنه دام 12 عامًا وأكدت مشاركتها بأعمال قريبة وكانت أول مشاركة لها في الأعمال الفنية بعد خلعها الحجاب مسلسل زلزال بمشاركة محمد رمضان وماجد المصري.

وفي رمضان 2020 شاركت في مسلسل خيانة عهد مع النجمة يسرا، وعادت هذا العام بمشاركة مميزة في فيلم تامر حسني الجديد مش أنا، ثم أعلنت اليوم اعتزالها مرة أخرى . 

اعلان اعتزال حلا شيحة للمرة الثانية جعل الجمهور ينتقدها بشكل صريح، حيث تفاجئوا بكلماتها التي كتبتها على أنستجرام ومهاجمتها مهنة التمثيل من الأساس، واعتبروا أن ذلك نتيجة تأثير معز مسعود عليها الذي لم يظهر في الصورة تماماً ولم يعلق على تلك ازمة حلا شيحة و تامر حسني حتى الآن . 

أخرهم حلا شيحة.. نجمات اعتزلن التمثيل فى قمة مجدهن.. شمس البارودى الأبرز

فنانة تنصح حلا وتهاجم معز مسعود

الفنانة سلوى محمد علي انتقدت حلا شيحة في قرارها الأخير باعتزال الفن وأزمتها مع تامر حسني بسبب كليب بحبك، وقالت سلوى عبر حسابها الرسمي على موقع «فيسبوك»: «يا بت يا خايبة، الرجالة مالهومش أمان، خصوصًا زوجك العزيز، دة راجل عنده تارجت في الستات عايز يحققه، يفضلك إيه بقى؟،  الكارير والزملاء، أنتي راهنتي غلط خالص يا حبيبتي، دة مايتراهنش عليه ". 

محمد العدل يهاجم حلا شيحة

كما وجه المخرج محمد العدل رسالة قوية لـ حلا شيحة ، وكتب على حسابه على فيسبوك :" يا ريت بس لما تطلقي ما ترجعيش تقولي عايزة أمثل تاني يا أستاذة حلا ". 

ولاقى هذا المنشور العديد من تعليقات الجمهور المؤيدة لوجهة نظر المخرج ، واعتبروه " جاب الخلاصة " ، واستمر مسلسل الهجوم على حلا شيحة بسبب قرارها باعتزالها الفن بعد زواجها من معز مسعود .

هجوم حلا شيحة على تامر حسني

كتبت حلا شيحة :" أنا اتفاجئت جدا بنزول كليب يجمع فيه مشاهد متفرقة من الفيلم و خصوصا بعد آخر بوست نزلته و وضحت فيه انا ايه ..و اتفاجئت اكتر خصوصا بعد وعد تامر حسني ليا وتأكيده انه حیحترم رغبتي و بعض الطلبات اللي طلبتها منه بكل احترام وود الصيف اللي فات وأکدلي إنه حيحترم رغبتي".

وأضافت حلا شيحة: "إحنا يمكن نجحنا بمقايس الدنيا بس صدقوني بمقایس ربنا احنا لم ولن ننجح انا عارفة و متاكدة ان زملائي جواهم خير بس للاسف فتنة الشهرة و النجاح مش بتخلينا نشوف ونقيس الامور صح بتكلم من قلبي الكليب ده ميرضيش ربنا و انا عيطت لاني شفت نفسي في المشاهد دي .. دي كانت زلة نتيجة ظروف مريت بيها و كلنا بنغلط و لازم نغلط علشان احنا بشر بس المصيبة اننا بنغفل وبننسی".

وتابعت حلا شيحة: "انا مش حتكسف من حد انا تبت من المشاهد دي و هي و هي لا تصح و انا غلطت و بصلح و اهم حاجة ان ربنا يرضى عني لان في الاخر ده اللي حينفعنا مش الشهرة و لا النجاح لا هو مش نجاح أصلا علشان النجاح الحقيقي حاجة تانية خالص احنا اغلبنا ناسينها الا القليلين منا الفن لو بيخلينا نبعد عن منهج ربنا و منبقاش قدوة لولادنا يبقي باطل و ميبقاش فن".

وأكملت حلا شيحة : "احنا كلنا عندنا امتحان في الدنيا دي و حابة افكرك بالفيديو ده یا تامر اللي قولت فيه انا مش بتمني أموت وأنا مطرب انا دايما خايف کده.. كلام أكيد قولته في لحظة صدق جواك و جوانا كلنا من شوفه تاني يمكن يفكرك أن جواك اكيد في صراع و انا و كلنا كلنا بنغلط بس المهم في الاخر نتدارك الغلط و نصلح .{إلا من تاب و امن عمل عملا صلحا أوللېك يبدل الله سيئاتهم حسن وكان الله غفورا رحيما.. الله على كلام الله وجماله يا سلام لو أصواتنا ومواهبنا كلها نستعملها في الخير عشان يبقى فن بجد".

رد تامر حسني على حلا شيحة 

بالطبع لم يصمت النجم تامر حسني وقرر الرد على هجوم حلا شيحة على مواقع التواصل الإجتماعي ، وكتب تامر حسني على حسابه الرسمي : "نهاركم جميل يا أغلى الناس 🤍 الحقيقه عمري ما بتخيل إني أدخل في نقاش بالشكل دا مع زميل بحترمه و كان في بينا كل خير .. للتوضيح بما إنك يا حلا كتبتي بوست و أشركتي الجمهور الكريم معانا بدال ما كنتي تكلميني شخصياً و نتناقش بيني و بينك  ، فا أنا مضطر  أرد هنا برضو

….أولاً أنا عمري ما وعدتك إن الكليب مش هينزل دا محصلش اصلاً يا حلا مش أنا خالص اللي  أوعد و أخلف….. الحقيقه اني إحترمت  كلامي معاكي و وعدتك أشيل مشاهد تانيه طلبتيها و شيلتها بالفعل و شكرتيني عليها و لو حابه تفتكري المشاهد اللي اتشالت بعد اذنك روحي شوفيها في المونتاچ عند الأستاذ عمرو عاكف او كلميه يبعتهالك كلها موجوده ، و بعدين الفيلم بقاله ٣ اسابيع في السينمات و الكليب موجود جوه الفيلم     هو بالنسبالك الحرام  إننا ننزل الكليب على اليوتيوب بس !!  إنما الكليب يتشاف جوه السينمات  عادي ؟؟؟؟ منطق غريب فعلاً يا حلا "

وًتابع تامر قائلا “  و بعدين هو مش أنتي اللي مضيتي عقد و تقاضيتي  عليه مبلغ كبير عشان الدور دا بعينه  !!!!! هو مش إنتي اللي صورتيه و مثلتيه بنفسك و بمنتهى الرضا ولاّ حد أجبرك  ؟!!!!!! و للتوضيح للجمهور الكريم أنا و المخرجه الأستاذه ساره وفيق بعتنالك و كنا بنتحايل عليكي تيجي تشوفي شغلك قبل إصدار الفيلم عشان لو عندك أي ملحوظه تقوليها ، ماكنتيش بتردي علينا و تليفوناتك كلها كانت بتقفل في وشنا  ،، إنتي للأسف يا حلا متعاملتيش صح مع الموقف كان لازم تهتمي بأمرك أكتر من كدا و لو كان ليكي أي طلب تاني كنت هعمله بكل حب إنما إنتي فجأه أختفيتي و مكملتيش تركيب صوتك في الفيلم ولا جيتي تتصوري عشان آفيش الفيلم أصلًا و مخليتيناش نعرف نعمل آفيش مجمع !!! و بقيتي تقفلي تليفوناتك و تكنسلي علينا كلنا  و بعدين أي فيلم بيبقى ليه خطه مسبقه في الدعايه و انتي عارفاها كويس و وافقتي عليها و دا كليب رومانسي يعني معقول  كنتي عايزه المنتج يشيل كل مشاهدك اللي صورتيها من الكليب و يطلعني بغني و بقول الكلام الرومانسي دا للأستاذ ماجد الكدواني  مثلاً  هو دا يُعقل ؟؟!!!!! ”

و انهي تامر حديثة قائلا “ أنا زعلان منك جداً يا حلا على مفردات البوست بتاعك الغير موفقه و مستحيل هرد بطريقتك اللي فيها تجريح و اتهامات باطله ليا إحتراماً لحجات كتير يمكن فايتاكي بس مش هتفوتني و على فكره انا واثق انك عارفه اني مستاهلش منك كدا و هكتفي بالتوضيح دا و ربنا يهدي الجميع و يكتبلك كل الخير اللهم آمين ”.