EN 
حرصت الإعلامية رضوي الشربيني علي توجيه رسالة مؤثرة الي الفنانة ياسمين عبد العزيز والدعاء لها بالشفاء العاجل، عبر حسابها الشخصي بموقع التواصل الاجتماعي لتبادل الصور والفيديوهات “انستجرام”.
ونشرت رضوي الشربيني صورة لياسمين عبد العزيز، وعلقت عليها كاتبة: “انا متأكدة انه باذن الله هتقومى منها…بحق طيبتك و جدعنتك و ايمانك بالله و السعاده اللى دخلتيها فى قلوب الناس دى كلها”.
وأكملت رضوي: “ربنا هيسعدك و هيشفيكًى و يرجعلك لينا كلنا انا عارفه انك قويه و مؤمنه و صبوره و حموله وعلى قد كل ده والايام المفترجه دى و الدعوات دى كلها…هتقومى اقوى من الاول باذن الله… بحبك يا ياسمين”.
وجاءت التعليقات من قبل المتابعين لرضوي الشربيني كالاتي:
“اللهم أمين - ان شاء الله هتقوم بالسلامة - ربنا يشفيها”
وطلب الفنان أحمد العوضي، الدعاء من الجمهور مجدداً لزوجته الفنانة ياسمين عبد العزيز، بعد دخولها غرفة العمليات.
وكتب أحمد العوضي: “يمكن ببان قدامكم دايما قوي .. لكن الحقيقة أنا دلوقتي أضعف إنسان علي وجه الأرض عشان أنا روحي مش معايا ... أنا ضعيف جدا من غيرك إنتي لازم تبقي كويسة ولازم تقومي بالسلامة ... أنا لأول مرة أكتب من غير ما أكون مفكر أنا بكتب إيه وهكتب إيه ... بس انتي هتقومي إن شاء الله بإذن الله عشان إنتي وعداني وعد وهتتفذيه”.
وتابع قائلًا: “انا عاوزك تبقي كويسه وتقومي عشان اقولك اني لو كنت ببينلك اني بحبك مره فالحقيقي واللي جوايا اني بحبك الف مره ... وانا دلوقتي مش قوي زي ما انتي بتشوفيني انا دلوقتي ضعيف ضعيف جدا .. لحد ما تقوميلي تاني عشان زي ما انتي بتاخدي قوتك مني انا كمان باخد قوتي منك”.
واختتم أحمد العوضي، حديثه قائلاً: "قومي عشان انا بحبك... بحبك اكتر بكتيير من كل الكلام اللي انا كتبته .. اكتر بكتير من كل اللي عدينا بيه مع بعض من ايام حلوه ومواقف صعبه مرت علينا ... اكتر بكتير حتي من الموقف اللي احنا فيه دلوقتي .. انا بحبك .. ادعولها تقوم بالسلامه زي ما انتو دايما بتدعولها بالنجاح والتوفيق .. هي دلوقتي محتاجه دعواتكم".
