EN 
قالت الفنانة شريفة ماهر، إن عقوق الوالدين أصبح ظاهرة منتشرة، معقبة: "فيه أتنين ستات جولي فى البيت علشان يواسوني على اللي حصل وقالولي ان حكايتهم أوحش من حكايتي".
وأضافت "ماهر"، خلال مداخلة هاتفية ببرنامج "الستات" المذاع عبر فضائية "النهار": "عمرى ما حرمت ولادي من حاجة وابني كان الأقرب لي.. ابني مكنش عايزني ادي للبنت والولد اللي خلفتهم من أب تاني أى حاجة من عندي.. وكان بيقولي احنا مالنا".
وتابعت: "امي ماتت فى حضني ومكنش عندها حاجة والفلوس عمرها ما بتعمل البني ادم.. انا فى حياتي ما هرضي عن أبني لانه عمل حاجات متخلينيش ارضي عنه.. ومن وهو صغير وهو عابد للفلوس.. وانا ربيته فى احسن مستوي ومليش ذنب فى شخصيته".
ومن جانبها، قالت الإعلامية مفيدة شيحة: "لو جه قالك سامحيني يا امي"، وردت عليها بأنه لا يريد ان يرجع أملاكها، "هو اللي وداني المحاكم.. وباعتلي ابنه يهدنني".
