شيري عادل عن البطولة النسائية في السينما: زمان كانت منتشرة بشكل أفضل| فيديو

كشفت النجمة شيري عادل خلال ندوتها في موقع صدى البلد عن سبب تراجع البطولة المطلقة النسائية في السينما .

وقالت شيري عادل:"قالت ؛" زمان أيام أفلام  الأبيض والأسود كان فيه بطوله نسائيه، غير دلوقتي، مع ان في كذا ممثله زي ياسمين عبد العزيز، ومي عز الدين، في ناس كتير حققوا فيها نجاح كبير جدا".

وأضافت :" هما  موجودين بس مش كتير زي أيام زمان بس بيحققوا نجاح حلو اوي  لو في قصه حلوه والناس عايزه تشوفها".

تابعت :" لو قدمت فنانة اللون الكوميدي؛ هتنجح فيه، واعتقد ان الفتره الجاية هيكون فيها قصص نسائية ".

شيري عادل تتحدث عن علاقتها بوالدتها

كشفت النجمة شيري عادل خلال ندوتها في موقع صدى البلد عن علاقتها بوالدتها وبالنجمة سلوى خطاب.
وقالت شيري عادل: "والدتي هي أقرب واحدة ليا في الدنيا ماليش غيرها مش باخد قرار غير لما بتوافق عليه حتي في الشغل أحيانا بنختلف ولكن لو حاجة عجباني مش بترفضها ".

وأضافت: "بقولها مش عاوزة أعمل الدور ده مش مقتنعة بيه، أو أرفض التواجد وخلاص وبحترم الجمهور في اختياراتي".

وعن علاقتها بالفنانة سلوي خطاب قالت: "أستاذة سلوى خطاب نجمة كبيرة جدا كلنا بنتعلم منها واشتغلت معاها من قبل في مسلسل البيوت أسرار وكان الخط الدرامي مختلف عن بعضنا البعض".

تابعت: "ولكن اتعرفت عليها في اللوكيشن وبقينا أصحاب وسافرنا لبنان وهي ست عشرية جدا وبحب قعدتها ".

وحققت النجمة شيري عادل نجاحا كبيرا في مسلسلها أيام الذي يعرض حاليا علي قناة ام بي سي مصر .

مسلسل أيام بطولة شيري عادل وحورية فرغلي وسلوى خطاب ورياض الخولي وأحمد صفوت ومي القاضي  وإخراج محمد أسامة.