EN 
مرت به الأيام والسنون ليجد نفسه دون مأوى، بعد أن استولى شقيقه ونجل شقيقه على ميراثه ليجد نفسه وحيدا.
حيث تحدث بدوى متولى بدوى ٦٧ عاما والمقيم بقرية منية النصر في محافظة الدقهلية عن معاناته قائلا "أنا كنت مسافر أشتغل بره بس تعبت ومبقتش قادر من التعب صرفت فلوسى على التعب، وجيت بلدى عشان اقعد فى ورثى من ابويا لقيت الشقة أخويا أخدها وعمل ليا شهادة وفاة من ٤ سنين عشان يستولى على حقي ولما طلبت حقى رفض هو وولاده".
وتابع "أنا عايش فى مكان محدش يتحمله بعد العمر ده كله أتبهدل واللى من لحمى موتونى وأنا عايش واخدوا ميراثى واشتكيت مفيش فايده، حتى جيرانا كلموهم يرجعوا حقى رفضوا، أختى بس اللى معايا بتجيب ليا اكل وتعطف عليا ووقفت ضدهم عشان يرجعوا حقى بس معاندين".
وأشار بدوي، " انا ظروفى صعبه، عاوز معاش أعيش منه، بناشد المسئولين فى الدولة يصرفوا ليا معاش ويجييوا حقى من اللى خدوه؛ انا راجل مسن ومريض مش بقدر امشى، عاوز الايام اللى باقيه اعيشها من غير تعب نفسى كمان ارجوكم اقفوا معايا انا باخد علاج غالى محتاج أجيبه ساعدونى بالله عليكم".
