نهال طايل: شهر رمضان هدية عظيمة من ربنا ولازم نغتنمها

قالت الإعلامية نهال طايل خلال تقديم برنامج "احنا لبعض" والمُذاع على فضائية "صدى البلد":" برنامج احنا لبعض اتكلمنا فيه على مدار الأيام اللي فاتت عن حياتنا وعن ان ربنا سبحانه وتعالى بعت لينا فرصة كبيرة وهو شهر رمضان الكريم"، معقبة:" صعب اوي تدخل الشهر المبارك وتخرج منه زي ما دخلته مينفعش لأن شهر رمضان يعتبر هدية ربنا سبحانه وتعالى بعتها للمسلمين ولازم نستغلها".

وفي سياق أخر، أضافت نهال طايل، خلال برنامجها "إحنا لبعض"، المُذاع على فضائية "صدى البلد" : "ربنا عاملنا طريق نمشي فيه واحنا جوانا يقين ومخلصين النية لله .. فبلاش نقول أنا الحظ معايا قليل، أو ربنا مش شايفني، أو أنا تعبان أوي ولفيت على دكاترة كتير ومفيش حل".

وتابعت الإعلامية: "ربنا إدانا الحل .. بدل ما نقعد نقول أنا نفسي في كذا ونفسي ربنا يحققهولي ..ما نمشي كلنا على الطريق بتاع ربنا ده وهتلاقي ربنا يسهلها علينا كلنا وكل اللي نفسنا فيه هيتحقق أياً كان".