EN 
تصدر الإعلامي شريف مدكور تريند “جوجل”، بعد أن خرج عبر صفحته على موقع التواصل الاجتماعي “فيسبوك” ليكشف عن مهنته السابقة قبل دخول الإعلام.
وقال شريف مدكور: "دي بعض صور الأثاث اللي كنت بصنعه لمده 16 سنة تقريبا.. وفرشت بيوت ناس كثير وعرايس كثير.. كانت أيام حلوة".
وتحدث شريف مدكور عن سبب عدم زواجه عبر “إنستجرام” قائلا: “أنا متجوزتش لحد دلوقتي علشان أنا مش قد المسئولية دي، آه معايا فلوس بس الفلوس مش كل حاجة.. أنا معنديش خلق أصحى كل يوم ألاقي زوجة في وشي وعيال رضع ودوشة وتربية لما يكبروا، أنا بحب أنام وأصحى في هدوء ومحدش يغيرلي نظامي”.
ونشر الإعلامي شريف مدكور تعليقا عبر صفحته على موقع التواصل الاجتماعي “فيسبوك”، على رسالة غامضة من أحد متابعيه.
وجاء في الرسالة التي وردت إلى شريف مدكور: "إزيك عامل إيه أنا مش عارف أقول إيه.. أنا بس مش معجب بيك، ومش بلاقي دمك خفيف خالص.. لكن في الحقيقة أتمنى تكون كويس في أقرب وقت.. بجد ألف سلامة عليك.. وربنا يبعد عنك كل وجع وشر".
وجاء رد شريف مدكور: "الرسالة دي من أغرب الرسائل اللي جاتلي في حياتي كانت قبل ما أدخل العملية بيومين تقريبا، ومش فاهم الشخص اللي بعتها عاوز إيه وليه يبعت كلام زي ده لواحد مريض".
وحل الإعلامي شريف مدكور ضيفا في برنامج "نجوم السما" المذاع على قناة "أون اي".
وكشف شريف مدكور عن حبه لخوض التجارب الجديدة والمغامرة باستمرار، مردفا: "بعيش الوقت وبحب أعيش المغامرة بدون ما أفكر".
وتحدث شريف مدكور عن حبه لمحافظة الإسماعيلية، مضيفا: "حاولوا تزوروا محافظة الإسماعيلية لأنها من أجمل المحافظات في مدن القناة، وكان نفسي نكون في الصيف عشان أروح بقفصين مانجا".
وتابع: “زيارة الإسماعيلية كانت هتكمل بأكلة سمك ومانجا”، واستطرد: "بحب أهالي الإسماعيلية ونفسي آكل سمك هنا وأحلي بمانجا".
