EN 
أكدت الفنانة هنادي مهنا، أن أكتسابها للوزن كان لفترة مؤقتة، ولم يكن ضمن ملامح شخصيتها في السابق.
وأوضحت هنادي مهنا، خلال لقاء لبرنامج " كلمة أخيرة " الذي تقدمه الاعلامية لميس الحديدي على شاشة ON"، : "جربت حاجات كتيرة جداً، وماخستش، فرحت لدكتور، وايا ما كان ما فعلته عند الدكتور عشان أخس، لكن الموضوع في النهاية مكنش إستسهال، وقبل الخطوة دي عملت كل حاجة، دايت ورياضة ولكن إضطريت في النهاية لتدخل الطبيب، ومش شرط يكون جراحة في أساليب كتيرة جداً للتخسيس.
وعلقت لميس الحديدي، قائلة : إنتي مكنتيش تخينة كنتي كلبوظة وأنا بحب صورك في الفرح جداً لترد قائلة : بحب صور فرحي جداً بس بعد ماخسيت ببقى نفسي أعمل فرحي تاني ".
واصلت : " إحنا حضرنا للفرح بسرعة ومكنش فيه وقت أجهز الحاجات الي أنا عايزاها لاني شخصية دقيقة وبحب التفاصيل جداً ".
وحول إتباعها لنظام غذائي في الوقت الحالي، قالت : باخد بالي كويس أوي دلوقتي، وبلعب رياضة والانسان لما بيشوف نفسه خاسس، بيبقى عنده طاقة أن يكمل الطريق لدرجة أني بقى عندي فوبيا عشان أحافظ على ده ".
