EN 
كشفت آية تفاصيل رحلتها مع الزواج في سن مبكرة، قائلة :" أول زواج لي كان عندي 14 سنة عندنا في البلد بيجوزوا البنت في سن 13 سنة ".
وقالت آية في حوارها مع الإعلامية مايا الشربيني في برنامج " ساعة زمن " المذاع على قناة " صدى البلد 2 "، :" اول جوازة ليا كانت عرفي واهلي كانوا موافقين لكن أهل زوجي كانوا رافضين وكانوا بيعذبوني ".
ودخلت في نوبة بكاء على الهواء قائلة:" حملت في بنتي، وأهل زوجي مرضوش يسجلوا بنتي لانه جواز عرفي وأنا كان سني صغير".
وأكملت آية :" بعد لما بنتي تمت عامين خدوا بنتي ومشوفتهاش تاني وزوجي مرضيش يديني بنتي، والجيران هما اللي كانوا بيشوفوا بنتي وبيجيبولي صورها وأنا عايزة بنتي ".
وتابعت آية :" بعد أول زواج لي انفصلت عن زوجي، وجلست في بيت أهلي، ثم تزوجت مرة أخرى عندما كان عمري 16 سنة واتجوزت عرفي تاني، واهلي كانوا عايزني اتجوز تاني لانه مينفعش اقعد من غير جواز ".
زوجي قطع لي ودني
واكملت آية :" اتجوزت واحد خلاني انزل اشتغل في الشارع وكان بيشرب مخدرات كان بيضربني وقطع لي ودني عشان ياخد مني فلوس".
وتابعت آية باكية:" انا عايزة بنتي وعايزة عيالي يطلعوا أحسن مني، وأنا قاعدة مع أمي انهارده، وانا عايزة آمن مستقبل عيالي وعايزة اشتغل شغلانة حلوة ".
