EN
كشف محمد عبدالمنصف، حارس مرمى الزمالك، المعتزل كرويا، مفاجأة بشأن اعتزال عبدالله السعيد الدولي، خاصة في ظل ظهور المنتخب الوطني بشكل جيد رفقة البرتغالي روي فيتوريا المدير الفني الجديد، والذي خاض 3 مباريات بواقع مباراتين أمام النيجر وليبيريا ومباراة أمام بلجيكا واقتنص الفوز في جميعها.
وقال عبدالمنصف في تصريحات تلفزيونية: «عبدالله السعيد مركز جدا وعايز يرجع ومبسوط جدا بالمنتخب وبالشكل اللي أنا شايفه أعتقد إنه بيفكر جديا لا أنا شايف فيه حماس وروح وفيه تفكير في التراجع عن الاعتزال الدولي وليه لا ميرجعش يلعب من تاني».
وتابع : «أنا شايفة من اللاعبين المهمة جدا وهو موهبة رهيبة جدا أعتقد الوحيد اللي يقدر يساعد في الطريقة الخاصة بفيتوريا».
عبدالله السعيد يعتزل اللعب الدولي
وكان عبدالله السعيد في 12 فبراير الماضي أعلن عن اعتزاله الدولي وكتب عبر حساباته :«في البداية كنت أتمنى أن نرجع بالكاس عشان نفرح كل الناس بعد المشوار الطويل في البطولة، لكن قدر الله وماشاء فعل، الحمد لله تشرفت بارتداء تيشرت المنتخب وتمثيل بلدي لسنين طويلة في كل المراحل السنية ناشئين وشباب لحد ما وصلت للمنتخب الأول أشكر كل الأجهزة الفنية واللاعبين اللي تشرفت بالعمل معهم في كل المراحل.
وتابع بعد خسارة بطولة أفريقيا: «النهاردة أعلن اعتزالي اللعب الدولي مع منتخب مصر بعد كل السنين اللي اتشرفت فيها بتمثيل بلدي مصر وقرار كنت محضره من قبل البطولة وكنت أتمنى أن نكون أبطالها».
