EN 
أثار مقطع فيديو لطفل في أحد الدروس الدينية للدكتور علي جمعة مفتي الجمهورية السابق وعضو هيئة كبار العلماء بالأزهر، إعجاب عدد كبير من مستخدمي السوشيال الميديا، خاصة الحوار الذي دار بين الدكتور علي جمعة، والطفل الذي يدعى طه، حيث ظهر خلاله طفل صغير يقتحم المجلس ويقف أمام الكاميرا، ملوحًا بيديه لوالده الذي يجلس بذات المجلس.
وعقب اقتحام الطفل للمجلس، سأله علي جمعة، عن اسمه ليخبره الطفل بأن اسمه طه وأنه قام ليسلم على والده من خلال الكاميرا، ليرد عليه المفتي السابق قائلا: ما أبوك معاك طول النهار في البيت.
وقال الطفل طه: بابا قالي أسلم عليك، فأنا بعمله باي عشان أستأذنه، وهو اللي قالي أجي أسلم عليك، وقالي هتعرف تعدي ولا لأ، وهم كلهم وسعولي، يعني كلهم لطاف، ليرد عليه عضو كبار العلماء قائلا: أمال قاعدين يضحكوا عليك ليه كلهم، يعني إنت دلوقتي ضحكت عليك خلقه، طب أقف هنا شوية عشان تظهر في الكاميرا، واعمل لأبوك باي باي، أنت اتصورت خلاص، وفي الحقيقة أنت أدخلت علينا السعادة.
وأضاف الطفل طه: بابا بيقولي تعالا، ليرد عليه علي جمعة، الحقيقة كان يجب إننا نجيب بابا هنا، لكن اسمك إيه بقى النهارده؟، ليجيب طه: طه أحمد حسن، طب واسمك إيه امبارح وبكرة؟، ليجيب الطفل: اسمي طه كل يوم، وأصلا فيه سورة اسمها سورة طه.
