أكرم حسني يقترح تأجير جزيرة للرجال فقط بعيدًا عن الزوجات

اقترح الإعلامي أكرم حسني، مقدم برنامج «للرجال فقط» على إذاعة «نجوم إف إم»، مساء الثلاثاء، تأجير جزيرة تكون للرجال فقط، بعيدًا عن زوجاتهم لمدة 5 أيام، مضيفًا: «عايز نكون كلنا في جزيرة لوحدنا بعيدًا عن طلبات الستات».

وتابع «حسني»: «عايز أبعد عن خد كيس الزبالة وأنت جاي، وأشتري شاي ولبن أو وديني عند ماما أو ركب الستائر، أو أغسل المواعين».

وأردف: «طبعا لو رفضت أي طلب هتفتح على نفسك باب جهنم للخناقات، الست مخلوق محير ومخليني مش عارف أفسر تصرفاتهم، مع أني الطلبات اللي بتطلبها الست ممكن تنفذها لوحدها».

وأكد أن «الست المتطفلة تستنزف طاقة الشخص الذي أمامها، ولما مراتك هتستنزف طاقتك هتخليك لا قادر تتكلم ولا تتناقش وممكن تسيب البيت في وقتها وتخرج».