EN
نشرت الصفحة الرسمية للمستشفى 57357 بموقع التواصل الاجتماعي فيس بوك، صورًا من زيارة الفنان حسن الرداد اليوم للطفل المريض الذى طالب بمقابلته من قبل.
وقال حسن الرداد خلال زيارته: "أنا جالى منشن على الفيس بوك إن فى طفل فى مستشفى 57357 عايز يشوفنى فرحت جدًا، وجيت أزور محمد دلوقتى".
وأضاف الرداد قائلاً: "الطفل زى القمر موهوب جدًا ويدخل القلب على طول، وعلشان كده ان شاء الله محمد هيصور معانا المسلسل اللى بنصوره لرمضان 2018، وسعيد جدًا انى بزور 57357 لأول مرة، المستشفى على مستوى عالى مش حاسس انى فى مستشفى أبدًا، بشكر كل القائمين على هذا الصرح العظيم، والخدمة العظيمة المقدمة للأطفال، وياريت كلنا نساعد أطفالنا، وبتمنى لمحمد حبيب قلبى وكل الأطفال الشفاء العاجل".
