EN 
نشرت الفنانة كوكى شقيقة الفنانة روبى تفاصيل جديدة بشأن الإجهاض الذي تعرضت له منذ أيام قليلة داخل أحد المستشفيات الخاصة.
وقالت كوكى عبر صفحتها على موقع التواصل الاجتماعى فيسبوك: "أنا الحمد لله كويسة، وروحت بس محتاجة أحكي اللي حصل علشان الناس تعرف".
وأضافت كوكى: "أنا دكتوري كان مسافر في الوقت اللي أنا تعبت فيه وجالي نزيف جامد، من ٤ أيام نزلنا روحنا مستشفى الجولف جنب بيت ماما، وعلقولي محاليل بس، وماما تقولهم لازم تتحجز قالولها لا إفرض النزيف قعد أسبوعين هتقعد في المستشفى أسبوعين، المهم روحنا والدم مش بيقف، تاني يوم روحنا تاني، الدكتور قال لازم تتحجز وطلعت برضو محاليل، قعدنا علي كده يومين، آخر يوم الساعه ٢ بليل جالي طلق جامد جدًا ونزيف مش بيقف غرق المكان كلوا، جوزي طلع ينادي الدكاترة.. مفيش لحد ٤ الفجر كل شوية الدكتور جاي الدكتور جاي ومعاملة وحشة جدًا، مع العلم إنها مستشفى خاصة لحد ما أنا خلاص درجة حرارتي عليت جدًا تقريبًا تسمم حمل".
وأوضحت كوكى قائلة : "جوزي أخدني وروحنا مستشفى تانية وأنا في الحالة دي والنزيف والطلق شغالين مفكروش حتى يبعتولي أي حد يشوف الحالة وحتى مدير المستشفي مكنش موجود ولا أي حد، الممرضى هي بس اللي نزلتني .. أنا عايزة أعرف إزاي أجيب حقي من مدير المستشفى".
