اللى بيكرهنى يمشى.. أسما شريف منير تشن هجومًا على متابعيها بعد أزمة الشعراوي

شنت أسما (ابنة الفنان شريف منير)، هجومًا حادًا على متابعيها عبر تطبيق انستجرام، بعدما لاحظت عددًا من التعليقات المزعجة لها بعد أزمة هجومها على الشيخ الراحل محمد متولي الشعراوي، ما جعلها تخرج عن صمتها.

وكتبت أسما شريف منير، في تعليقها قائلة: «مش عاجبك و بتكرهني اعملوا ان فولو، و لا هو لازقه و خلاص.. لا بحبه ولا اقدر علي بعده .. اللي بيكرهني يمشي وميضيقش نفسه، ولا اقولكم خليكم الواحد محتاج حسنات .. انا حتي مش همسح الكومنتس البشعه بتاعتكم».

وتعرضت أسما شريف منير لهجوم من المتابعين لها على مواقع التواصل الاجتماعي بعد وصفها الشيخ الشعراوي بالمتطرف، إلا أنها اعتذرت قائلة: «أنا بعتذر جدًا جدًا عشان لم أستطع أن أحسن التعبير واختيار الكلمات الصحيحة، وده يمكن عشان لسه بتعلم وده عن عدم إدراك، أنا لسه بتكلم على طبيعتي زي أول يوم قررت إني أظهر على السوشيال ميديا، بس دلوقتي لازم أخد بالي من كل كلمة بقولها عشان كل حاجة بتتحسب عليا وده جديد عليا، و كل مافي الموضوع إني كنت بدور عن مرجع ديني ودروس دينية عشان أفهم بشكل مبسط».

وأضافت: «الشيخ الشعراوي أعمق من قدراتي لأني في حاجات فعلًا مفهمتهاش، وأنا مبتدئة بحاول أتعلم وأقرب أكتر من ربنا، وعموما أنا بعتذر فعلًا عن ذلة لساني وكلمتي.. وحقيقي أكن للشيخ الشعراوي كل احترام وتقدير رحمه الله وجزاه كل خير، وربنا عالم نيتي إيه».

وردت أسما شريف منير، بعدها لتقول: "حصل بيني وبين شخص حوار أسأت فيه التعبير عن اللي عايزه أقوله وحساه، اتفهم كلامي على إني بنتقد فضيلة الشيخ متولي الشعراوي، أنا بتكلم من غير ما بحسب كلامي وأنا مقصدش بأي حال من الأحوال إني أغلط أو يوصل كلامي بشكل غلط كده، أنا مش بقيم فضيلة الإمام، أنا عموما عمري ما أحب أغلط في حد".