EN 
قال حاتم خاطر، مصور فيديو الطالب بائع الفريسكا، إن تصويره للفيديو كان "رزق من عند ربنا لإبراهيم"، معقبًا: "أنا ربنا بعتني ليه عشان اقعد في المكان ده واشوف إبراهيم وأقول أنا عايز انجح الولد ده".
وأضاف حاتم خاطر، في مداخلة هاتفية ببرنامج "صباحك مصري"، المذاع على قناة "ام بي سي مصر 2": "أنا بحب أصاحب الناس المجتهدة ديه وبيدوني أمل في الحياة، وبمجرد ما عرفت إنه مخلص ثانوية عامة وجاب مجموع 99% قولتله تعالى انا لازم اصورك".
وتابع: "أنا مكنتش متخيل إن ممكن الفيديو يعمل اللي عمله، بس انا صورته وتقدير ليه عشان أحاول أساعده في نطاق دائرة معارفي، ولكن كرم ربنا كان أوسع بكتير"، لافتًا إلى أن "بلدنا فيها شباب زي الفل ورجالة".
وأوضح أنه "ليس كل ما نراه من سلبيات على السوشيال ميديا هو ممثل المجتمع المصري"، واستطرد: "أنا مكنتش متخيل كل اللي هيحصل ده، بس ده بسبب إن هو مجتهد ومخلص ومتربي تربية تشرف"، مشيرًا إلى أنه "عندما أثار الفيديو رواد السوشيال ميديا قلقت على إبراهيم ونصحته ياخد باله وميفارقش حلمه"، معقبًا: "إبراهيم قالي أنا رايح أجيب نموذج اتنين جند ومش فارق كل اللي حصل على المواقع ده".
