الإشراف العام
إلهام أبو الفتح
رئيس التحرير
أحمــد صبـري
الإشراف العام
إلهام أبو الفتح
رئيس التحرير
أحمــد صبـري

لقاء الخميسي : عبد المنصف له فضل كبير عليا.. ولو طلب روحي مش هبخل عليه

الفنانة لقاء الخميسي
الفنانة لقاء الخميسي وزوجها عبد المُنصف

قالت الفنانة لقاء الخميسي، إنها تفتخر بزوجها محمد عبد المنصف ، معقبة : " إحنا في البيت مش بنشوفه، بيصحى يفطر وينزل التمرين ، ويرجع بليل ، بيكونوا الأولاد ناموا ، ففكرة عدم وجوده في حياتنا ، تحتاج إن الواحد لازم يبقى صبور ، لأنه بيجري ورا حاجة بيحبها " .

وأضافت " لقاء الخميسي " في مداخلة هاتفية عبر " زووم " مع برنامج " كلمة أخيرة " المُذاع على فضائية " أون " ، قائلة : " منصف ميعرفش تفاصيل كتيرة عن أولاده وعن المدارس ، عشان دماغه في الكورة ، وأنا وأولاده مش بنحب نشوش عليه حياته " .

وتابعت الفنانة : " فيه أوقات كتيرة من عمري راحت ، ومُنصف مش جمبي ، وكبرنا وفيه حاجات كتيرة هو محضرهاش ، زي ولادة ابنه ، بسبب الماتشات والمعسكرات " .

وأكملت : " زوجي بيحب شغله جدًا ، فأنا كزوجته لازم أحاول تأهيله على الأقل من ناحية المستوى النفسي ، وإنه يكون دائما مرتاح ".

وعقبت على منتقدي زوجها ، وما يجده من تنمر، قائلة : " زوجي مهذب جداً ، ومش بيرد على حد ، بس أنا في ضهره ، وأنا مبقدرش أسكت " .

وأوضحت " الخميسي " ، أن ما نشرته على موقع "تويتر " الخاص بها ، هو دفاعًا عن زوجها ، ووجهت رسالة للجمهور: "مهما وقعت هتقف والدنيا بتعدي ، أنا زوجي هو اللي علمني كدا " ، مؤكدة أن زوجها له فضل عليها كبير ، قائلة : " لو طلب مني روحي مش هبخل عليه " .