استضاف برنامج "صاحبة السعادة"، الذى تقدمه الإعلامية "إسعاد يونس"، والمُذاع عبر فضائية "دي إم سي"، حازم إمام، لاعب نادى الزمالك ومنتخب مصر السابق وعضو مجلس النواب، وأسرته.
وكشف "حازم إمام"، أنه تعرض لموقف محرج يوم زفافه، قائلا: "كنت أول مرة البس تكسيدو في حياتي، وكان عندي بطولة قبل الفرح بكام يوم، وخسيت جامد قبل الفرح، وكنت جايب البدلة من غير ما أقيسها".
وأوضح: "التكسيدو مش بيتلبس عليها حزام، وأنا كنت جايب معايا حزام، وجيت ألبس الحزام ملقيتش عروة، وأنا مكنتش أعرف، والبنطلون وقع مني".
وتابع: "كنت في الفندق بلبس علشان أنزل الفرح، والحلاق هو اللي قال لي التكسيدو مفيش فيها حزام"، مردفا: "قعدنا نحط دبوس وكنت كل شويه أرفع البنطلون في الفرح".