كيف أحيت أسرة سامى العدل ذكرى رحيله

تحل اليوم، ذكرى رحيل الفنان سامي العدل، الذي توفي عام 2015 بعد صراع مع مرض القلب ظل على أثره لمدة شهر بغرفة العناية المركزة بأحد المستشفيات،وحرصت أسرة سامى العدل على أحياء ذكرى رحيله عبر حسابتهم بمواقع التواصل الاجتماعى .

مدحت العدل

أحيا السيناريست مدحت العدل ذكري وفاة شقيقه الفنان سامي العدل الذي رحل عن عالمنا يوم ١٠ يوليو عام ٢٠١٥، بمقطع صوتي وبكلمات مؤثرة علي موقع تبادل الصور والفيديوهات "انستجرام"

وعلق مدحت العدل علي المقطع الصوتي قائلا : " هتفضل عايش على طول في قلوبنا " وانهالت عليه تعليقات الجمهور.

رشا العدل 

أحيت رشا العدل ابنة الفنان الراحل سامى العدل ذكرى رحيل والدها عبر حسابها بموقع فيسبوك .

ونشرت رشا العدل صورة تجمعها بوالدها وعلقت عليها :" من إمبارح قاعدة أفكر عايزة أقول لك إيه و اللا إيه... ناس كتير بتستغرب أنا ليه بسافر كل سنة في السنوية بتاعتك..أصلهم ما يعرفوش إن قبل وفاتك ب ۲۲ يوم لميت هدومك و جيت قعدت عندي في بيتي ما يعرفوش إني مش بطيق أقعد في البيت قبل سنويتك ب 3 أسابيع و بتكون حالتي مش مظبوطة بحاول إطلع من المود ده و جوالاكتئاب و اسحل نفسي ب أي حاجة ".

واضافت ريم العدل :"ما يعرفوش إن عدي 6 سنين علي وفاتك و شنطة هدومك زي ما هي في الريسبشن زي ما هي ولا عارفة أغير مكانها و لا عارفة أوزع إللي فيها علي حد أصلها آخر ذكرياتي معاك ف مش طايقة أقعد في بيتي ما يعرفوش إني من غيرك بجد مكسورة من جوايا و بقي عندي تبلد مشاعر کدة و مش فارق معايا حاجة في الدنيا ما يعرفوش إنك حبي الأعظم و الأكبر و إني من غيرك سراب"

وتابعت رشا العدل :" وحشتني بقي و نفسي أجيلك قوي نفسي يكون كل ده کابوس و اصحي من النوم الاقيك بتكلمني و بتقول لي
وحشتيني ما تيجي يا بت تتغدي معايا و تجيبي البت حبيبة الجبانة وحشتني أو ماصحاش من النوم أصلا و لما افوق افوق علي وشك
قدامي و ارمي نفسي في أحضانك".

ماندو العدل 

أحيا المخرج ماندو العدل، ذكرى رحيل عمه الفنان سامى العدل ونشر صورة له عبر حسابه بموقه فيسبوك.

وعلق ماندو العدل على الصورة: "ذكرى وفاة حبيبى .. الفاتحة من فضلكم".