كلمت خطيبي وفضحتني.. اعترافات نورهان قاتلة نجلاء شهيدة الغدر

اعترافات غريبة ومثيرة ذكرتها نورهان المتهمة بقتل صديقتها نجلاء شهيدة الغدر في البحيرة.      

شاهد الفيديو:

اعترافات نورهان قاتلة نجلاء شهيدة الغدر 

وقالت المهتمة "نورهان.ج.س" 23 عامًا، طالبة، أمام رجال التحقيق: "اللي حصل اني انا ونجلاء صحاب من حوالي 4 سنوات ومن السنة اللي فاتت ايام خطوبتي في شهر أغسطس بدأ أسلوب "نجلاء" يتغير معايا، وانا بشتري الشبكة بتاعتى؛ عملت مشكلة مع أقرب صاحبه ليا، وخلتها متحضرش خطوبتي، وحتى يوم الخطوبة لما جيت أكلم صاحباتي البنات؛ قالتلي متصلش بحد، وإن محدش بيحبني، ولأنهم لو بيحبوني كانوا جم لوحدهم، ويومها اتعرفت على صاحبها محمد علي، بسببي، ورغم اني انا سبب المعرفة بينهم؛ ماكنتش بتحكي لي حاجة خالص عن صحبتهم، واتفاجأت كمان إن هي كانت بتتكلم مع خطيبي، وبتقول له إن لبسي مش محترم، واني كنت اعرف حد قبله ومارسنا جنس سوا، وكان هيسبني بسبب الكلام ده، مع انه محصلش، وكمان كنت بروحلها العيادة كتير، ولما بتكون مش فاضية؛ كنت بقعد مكنها، وعمري ما زعلتها بحاجة، وكنت تعبانه فترة كبيرة، وما كانتش بتسأل عليا، وكانت بتكلم خطيبي، وفي فترة مامتي كانت بتاخد جلسات علاج علشان كان عندها العصب السابع، وأنا مكنتش فاضية خالص، بعتتلي رسالة ومردتش عليها، وكانت بتلومني وتهزئني على الرغم إني بعتلها کارت الكشف بتاع ماما، حتى ماقالتليش ألف سلامة عليها، وهي بتلومني".

وأضافت المتهمة: "رحت انا صلحتها في العيادة بعدها بالرغم من كده الكلام قل ما بينا وبطلت تكلمني وكرهت كل اصحابي فيا، وهي أصحابها كانوا كتير قوي وكنت متغاظه منها ومش عارفه اعمل فيها ايه وفي شهر يونيو اللي فات اخدت رقم مصطفى وهو قريبي من بعيد وجارنا في البلد وكلمته وقلت له ان نجلاء سرقت مني حاجات ومبدده علي حاجات تانيه وكلامنا ده كان في كلام منه على الواتس وكلام في التليفون وقلت له اني عايزه انتقم منها وافش غلي فيها، حتى لو هنخلص عليها، وفكرنا في كذا حاجه، ومصطفي قالي ان والده بياخد نوع دواء منوم، وبعتلي اسمه على الواتس اب وانا كنت بعتاله علي الواتس صورة نجلاء، وراح عند العيادة مرتين علشان يتاكد من صورتها، واتفقنا اني اشتري الدواء المنوم، بس بتركيز أعلى من اللي والده بياخده وادوبه في عصير في العيادة وادهولها وانزل بيها الشارع ويكون محضر توك توك ساعتها وناخدها بعيد نقتلها، وبعد كده روحت اشتريت الدواء فعلا وجبته بتركيز 100؛ لأن والده كان نفس الدواء بس بتركيز 20، وكان بعت لي صوره التوك توك، وخلاص كنا هننفذ، كلمني وقالي ان سواق التوك توك مرضيش، وبعدها مصطفي قالي انه هيقول لمحمد صاحبه أنه يساعدنا في الموضوع، ومحمد ده قريبنا من ناحية والدتي، بس مش جارنا في البلد، وقولتله لو محمد احتاج اي فلوس علشان ينفذ معانا، انا هديله الفلوس اللي هو عايزها، بس اهم حاجه انه ميعرفش ان انا اللي في الموضوع، عشان هو قريبي من ناحية امي، واتفقنا إننا نقتلها يوم يكون الدكتور مش في العيادة فيه، وحددنا يوم الثلاثاء 3 -8 -2021 ، ان احنا هنخلص معاها، ويومها انا حضرت شوية حاجات، مقص؛ لقص أسلاك الكاميرات، وصامولة لكسرها، وموس لتهديد نجلاء، ولاصق طبي؛ علشان نكتم نفسها، والمنوم اللي كان معايا عصير".
ولمزيد من التفاصيل حول اعترافات نورهان قاتلة نجلاء شهيدة الغدر شاهد الفيديو التالي..

شاهد الفيديو: