EN
حلت الفنانة هند صبري، ضيفة على أولى حلقات الموسم الجديد من برنامج "السيرة"، الذي تقدمه الإعلامية وفاء الكيلاني، والمُذاع عبر فضائية "دي إم سي"، نستعرض لكم أبرز تصريحاتها من خلال التقرير التالي:
شاهد الفيديو:
وأوضحت: "كنت بتمنى يكون ليا أخ بعد انفصال أبويا وأمي، وماما في فترة كانت عايزة تتجوز ويكون فيه إخوات تانيين ليا ولكني كنت برفض، وأعتقد بابا أيضا كان عنده نفس الرغبة ولكني كنت مستبدة وبرفض رغبتهم"، لافتة: "ماما فعلا على قدر صرامتها وقسوتها في أوقات إلا أنها كانت محترمة شخصيتي وعالمي الخاص، وانفصالها عن والدي كان في فترة المراهقة وقتها أخذت صفها".
وتابعت: “تعاطفت معاها وتحولت من بنتها الى أمها، والطلاق كان قرار بابا مع أنه ما كانش شديد، ولكنه كان حنين عليا أوي وكان شايف إن صرامة ماما لازم يكون ليها مرادف علشان يعوض".
وأشارت: "طلعت الأولى علي كلية الحقوق واتكرمت من رئيس الجمهورية بفضل حبي للقراءة والتعلم، واشتغلت بدري وأنا عندي 14 سنة ولكن ده ما منعنيش من التفوق في الدراسة".
وقالت "هند صبري"،الصدفة هي اللي عملتني ومكنتش أتخيل إني هبقى ممثلة"، متابعة: "مكنتش مخططة إني هبقى ممثلة، كنت مخططة لحاجات تانية خالص".
وأضافت الفنانة هند صبري،: "اللي اتعلمته أني مهما خططت فيه صدف بتيجي بترجعني لقدري"، لافتة: "اتدلعت بزيادة وأنا صغيرة".
