EN 
حصل صدي البلد علي نص تحقيقات النيابة العامة في القضية رقم 18581 لسنة 2021 جنايات المعادي المتهم فيها عامل اسانسير بهتك عرض 5 طفلات في حضانة مدرسة خاصة بالمعادي.
أقوال والد المجني عليها
وامام رجال التحقيق قال والد الطفلة:" اللى حصل ان من أقل من شهر بنتي جت من المدرسة ودخلت الحمام فى البيت واتوجعت فمامتها بصت عليها لقت فيه إلتهابات حول فتحة الشرج وفقولنا ممكن تكون بكتريا اللى بتيجي للأطفال ومشكناش في حاجة وبعديها تقريبا بأسبوع لقينا إلتهابات تاني عند الجهاز التناسلي وبرضو قولنا عادي ممكن يكون نضافة واحنا سألنها ساعتها قالتلي إنها اتخبطت فى الحيطة وبعد كده سمعنا أن في طفلة فى المدرسة تعرفت على عامل الأساسنير وأنه شطفها وهو بيشطفها جامد ومامت الطفلة دي هي اللى اكتشفت كده وببعد كده كشفنا على البنت فى مستشفى بس ما أخدناش تقرير علشان مكنش معانا جواب وكشفوا عليها كده وخلاص وبنتي اتهتك عرضها وعايزها تتعرض على الطب لشرعي وهو ده كل اللى حصل".
وأضاف والد المجنى عليها قائلا:" اللى حصل ده فى شهر 10 بس مش فاكر يوم كام بالظبط ، ومامتها اللى قالتلي لما اتكلمت معايا، ووحررنا محضر يوم 23 نوفمبر الماضي، ومراتي قالتلي إنها اتعرفت على صورة عامل الاسانسير اللى فى المدرسة وسألتها ساعتها قالت لمراتس انه العامل ده عمو اللى فى الجاردن وسألتها ساعتها عمو ده بيخش معاكى الحمام قالتلها اه ده بيشطفنى جامد وعملتلها بايدها إنه بيشطف جامد، وأنا معرفض الشخص ده خالص".
وأكد والد المجنى عليها:" أنا ألحقت بنتي فى المدرسة دي منذ شهرين ومن حوالي شهر قبل الواقعة هى اشتكت إنها مش عايزه تروح المدرسة تانى، ومش عارف ده ليه، وبعد اكتشافنا للاصابة بها مامتها ادتها كريمات ذى سودو كريم ببسبب الإلتهابات دي، ومعرضتهاش على مستشفى، وده بسبب اننا كنا فاكرين ده بسبب النظافة وعادي، وفضلنا نعالجها بالكريمات عادي لحد ما عرفنا موضوع البنت الأولى وساعتها ربطنا كل اللى حصل وروحنا عملنا محضر، واتعهد بالحضور لعرض نجلتى على مصلحة الطب الشرعي".
فيما قالت والدة المجني عليها:" أنا جاية النيابة علشان بنتى اشتكت إن الراجل بتاع الاسانسير عمل حجات وحشة فيها، واللى حصل من شهر تقريبا بنتي جت من المدرسة وجت اشتكتلى أن في حاجة بتوجعها ورا وأنا قولتلها فى حد عملك حاجة هنا قالتلي لا انا اتخبطت وانا افتكرت كده فعلا وبعديها باسبوع وهى بتعمل حمام اشتكتلى إنها موجوعة وأنا روحت بصيت على المنطقة التناسلية لقيت في احمرار فروحت حطتلها سودو كريم وجت اشتكتلى تانى وبرضو افتكرت إلتهابات لحد من حوالى اسبوع موضوع البنت الاولى عرفته فأنا بصيت على بنتي ولقيت كان فيها التهاب وبعد كده صورة الراجل اللى عمل فى البنت الاولى اتبعت على جروب المدرسة فورتها لبنتي وقالتلى ساعتها إنه بتشوفه فى الجاردن وأنا سألتها ان لو الراجل بيخش معاها الحمام فقالتلي اه بيشطفنى وساعتها انا اتخضيت وروحت قولت لباباها وروحنا خدناها من المدرسة وروحنا على القسم وهو ده كل اللى حصل".
أقوال والدة المجني عليها
وأضافت والدة المجني عليها:" بنتي من قبل كده اشتكت انها مش عايزه تروح المدرسة تانى علشان صحابها بيديقوها، ولما اشتكت واكتشفت الاصابات قولت عادى اتخبطت ولا حاجة وبعد كده هنحطلها سودو كريم، ومروحتش بيها المستشفى، وفضلت اعالجها بالكريم ده ولما قالتلي على المتهم روحنا بيها المستشفى وروحنا القسم عملنا محضر وقالولى فى المستشفى عندها التهابات، ولما وريت صور المتهم لبنيت قالتلى عمو ده بيشطفنى، والمتهم ده هتك عرضها وهو عمل كده بايده، ومعرفش هو قام باكراهها وتحايل عليها للنيل منها بس هى قالتلي إنه هيجبلها عروسة، ويقصد بده هتك عرضها ، وبتهم مشرفة المدرسة بالإهمال، وانا معرفش المتهم خالص".
موعد محاكمة المتهم
وكان قد حدد المستشار عصام فريد رئيس محكمة استئناف القاهرة، جلسة 25 يناير الجاري أمام محكمة جنايات جنوب القاهرة، لبدء محاكمة عامل مصاعد بإحدى المدارس بمنطقة المعادي، في قضية اتهامه بارتكاب جريمة الاختطاف بالتحايل لـ 5 طفلات بالمدرسة التي يعمل بها، والمقترنة بهتك عرضهن أثناء تواجدهن بدورة مياه المدرسة.
وكان النائب العام المستشار حماده الصاوي سبق وأحال المتهم، محبوسا احتياطيا، إلى المحاكمة الجنائية أمام محكمة الجنايات، في ختام التحقيقات التي باشرتها النيابة العامة.
وأسندت النيابة إلى المتهم اتهامات بخطف بالتحايل للطفلات الخمس الطالبات بالمدرسة، بأن استدرجهن لدورة المياه مستغلا رغبتهن في قضاء حاجتهن بحيلة انطلت عليهن وهي مساعدتهن في ذلك، مبعدا الطالبات عن أعين الرقباء عليهن، قاصدا ارتكاب الجريمة موضوع الاتهام.
وذكرت تحقيقات النيابة أن تلك الجريمة اقترنت بجناية أخرى تتمثل في قيام المتهم بهتك عرض المجني عليهن الطفلات، واللاتي لم يبلغن من العمر 12 عاما.
وشملت التحقيقات وأدلة الثبوت التي قدمتها النيابة العامة بحق المتهم، أقوال 16 شاهدا من بينهم أولياء أمور الطفلات المجني عليهن، والذين قالوا إنهم لفت انتباههم شعور طفلاتهن بآلام والأعياء المتكرر، وأنهم بسؤال الطفلات علموا بقيام المتهم بالتحرش بهن داخل دورة المياه الخاصة بالمدرسة، حال تطهيره لها بعد قضاء حاجتهن على الرغم من عدم اختصاصه بذلك الأمر لكونه عامل مصعد، مسببا التهابات واحمرار بتلك الأماكن، وهو الأمر الذي تحقق منه أولياء أمور الطفلات المجني عليهن.
كما تضمنت أوراق القضية شهادة الشهود من الأطباء والطبيبات الذين قاموا بتوقيع الكشف الطبي على الطفلات، وكذلك الباحثات الاجتماعيات بالمجلس القومي للأمومة والطفولة واللاتي أفدن بأن الطالبات المجني عليهن تعرضن للاعتداء الجنسي من قبل المتهم، وأن هذه الاعتداءات تسببت في اضطرابات سلوكية لدى الطفلات.
واحتوت أوراق القضية على التقارير التي تفيد بتوقيع الكشف الطبي والذي أظهر وجود الالتهابات لدى الطفلات المجني عليهن، فضلا عن تعرف الطفلات على المتهم بارتكاب تلك الجرائم خلال العرض القانوني الذي أجرته النيابة العامة خلال مرحلة التحقيق.
