EN 
رحل والد المطربة بوسي، أمس مسدلاً الستار عن خلافاته الأسرية الطويلة مع ابنته، التي لطالما كانت محل حديث الإعلام، خاصة وان بوسي رفضت لفترة طويلة الحديث عن الأمر، إلا انه برحيله تعرضت المطربة إلى هجوم من المطرب سعد الصعيد بسبب كلمات والدها الأخيرة لها، ما القصة؟
والد المطربة بوسي يهاجمها على سوشيال ميديا
كان أخر ظهور لوالد المطربة بوسي من خلال مقطع فيديو يشكو خلاله من ابنته التي تجاهلت حالته المرضية، وتركته دون أن تنفق عليه قائلاً « بنتي مش بتسأل عليا ومن فترة وانا معرفش عنها أي حاجة، انا عندي 77 سنة ومش قادر أتحرك وتعبان ومش بشوف بعيني ومحتاج أعمل فيها عملية».
رد بوسي على حديث والدها
بعد فترة طويلة من الصمت خرجت المطربة بوسي عن صمتها، وردت على حديث والدها، حيث قال في إحدى اللقاءات التليفزيونية « انا لو عاقة مكنتش أطلب من أمي إني أنزل اشتغل وأنا عندي 15 سنة، علشان اساعدها، وانا اتولدت وأبويا مش موجود في حياتي، كان مطلق أمي وهي حامل فيا بشهرين» متسائلة « أنت كنت فين وأنا وسط المشاكل، وكنت محتاجة حد يقف جنبي وأحس إني ليا ظهر».
وتابعت: « مفيش بينا علاقة أصلاً.. واللي ربتني أمي وأقاربها، وكنت بشوفه في الشارع مقدرش أقوله يا بابا.. انا عندي إخوات تانيين من أم تانية، ومكنش حتى بيصرف عليهم، ومجوزش ولا واحدة فيهم، والدي اتجوز كتير وعندي أخ لو شوفته في الشارع معرفوش.. أنا محستش من ناحيته بحنية الأب.. وأنا مقصرتش معاه رغم قلة الحنية، ولما بعرف إنه عاوز فلوس ببعت مع ناس، وفيه ناس عارفة الكلام ده».
والد بوسي يعتذر منها على الهواء
أثار خلاف المطربة بوسي مع والدها حالة من الجدل الواسع عبر مواقع التواصل الاجتماعي، وبعد انتشارها على نطاق واسع، خرج محمد شعبان والد بوسي، في إحدى اللقاءات التليفزيونية واعترف بأخطائه، وأن هناك من استغله لمهاجمة ابنته بهذه الطريقة.
وقال محمد شعبان في إحدى اللقاءات التليفزونية «أنا غلطان من الأول، واحد لعب بدماغي وخلاني اعمل كدة، الكلام دا أنا عارف نتيجته جات عليكي، أنا بتأسفلك انتي بنتي واستحمليني غلطة وغلطتها أنتي تراعي أني راجل كبير وكنت محتاج مصاريف وعلاج.. حقك عليا يابنتي متزعليش مني.. هي حنينه وكانت بتبعتلي فلوس حتى وأنا شغال».
وفاة محمد شعبان والد بوسي
كان توفى فجر أمس، محمد شعبان والد المطربة بوسي، عن عمر يناهز 85 عامًا، متأثرًا بأمراض الشيخوخة، في منزله بمدينة الزقزيق، وتم دفنه في مقابر الأسرة بدون حضور ابنته بوسي.
سعد الصغير يهاجم بوسي
بعد وفاة محمد شعبان، هاجم المطرب سعد الصغير لعدم سؤاله على والدها وعدم ساندته بالأموال رغم انها نالت شهرة واسعة حيث قال في مداخلة تليفونية «إنتي حرمتي أبوكي من الفرح في آخر أيامه كان بيتمنى تسألي عليه بس وآخر كلمة قالها حسبي الله ونعم الوكيل».
وتابع « المفاجأة أني بعد ما جبت حاجات في بيت أبوها بفضل ربنا بعتلها وقولتلها هنقول إنك انتي اللي عملتي كل حاجة وانك اتصالحتي معاه.. كنت بعمل خير مش شو.. ماكنتش بقولك اطلعي في التليفزيون واتصالحوا.. جبنا له سفرة وثلاجة وغسالة وشاشة».
