EN 
حل الفنان باسم سمرة٫ ضيفا على الإعلامي عمرو الليثي، ببرنامج "واحد من الناس"، المذاع عبر فضائية "الحياة".
وتحدث الفنان باسم سمرة عن علاقته بالفنان محمد رمضان٫: “محمد رمضان حبيبي٫ وكان فيه مشروع في رمضان الماضي لكن محصلش نصيب”.
وأضاف: “ الفنان محمد رمضان حبيبي وأول مرة يظهر في التلفزيون كان معايا كان عامل أخويا وشخص جميل”٫ متابعا: “علاقتنا طيبة جدا”.
وواصل حديثه: “أتحدى محمد رمضان في أي شيء٫ وعندما قال أنا نمبر وان؛ قولت له تعالى نعمل مشهد ونشوف مين نمبر وان٫ وجالي البيت واتعشينا مع بعض وهو رجل لطيف”.
عانيت من قلة النوم يومين.. باسم سمرة يروي تفاصيل قضاء ليلة فوق الهرم
قال باسم سمرة: “نمت ليلة فوق الهرم وكان ليا صديق يأتي لي ويقول لي أنا بطلع الهرم كل يوم، وكنت بترجاه عشان أطلع الهرم”.
وأضاف باسم سمرة: "طلعنا الهرم الكبير وإحنا نازلين صديقي تحول لضفدعه وكان خايف ينزل ونقل لي الخوف بتاعه، وكنت تجربة سيئة وقاسية لأن مفيش سور ولا مياه ولا أكل فوق الهرم، وكان فيه خشب ونمنا ليلة في الشتاء”.
وتابع: “العساكر طلعوا تاني يوم وشالونا ونزلونا من الهرم، وتحدثوا معنا عن العقاب لحد ما سيبناهم وجرينا، وفضلت أعاني من عدم النوم يومين بسبب الموقف ده٫ وحكيت للناس قالولي لو مطلعتش تاني هيفضل الخوف من المرتفعات ملازمك وروحت لصديقي وطلعنا الهرم تاني”.
وجه نصيحة لـ محمد رمضان.. باسم سمرة: لا أستطيع
طلب الإعلامي عمرو الليثي من الفنان باسم سمرة توجيه نصيحة الفنان محمد رمضان٫ ليرد قائلا٫: “لا استطيع أن أنصحه لأنه يدير حياته بطريقته”٫ مضيفا: “محمد طيب جدا وشخص خير٫ لكن كل شخص بيلاقي طريقة للدعاية لنفسه”.
وواصل حديثه: “طريقة محمد رمضان تشبه لاعبي البوكس في أمريكا٫ ممكن تعمل استفزاز لكن عملتله تارجت ومشاهدات٫ وهو شايف طريقه كده وناجح”٫ متسائلا: “رجل ناجح أنصحه بايه؟، مش محتاج نصيحة٫ لكن أتمنى له التوفيق”.
باسم سمرة: أنا أشطر من السقا ووجودي في إبراهيم الأبيض كان هيعمل قلق
علق باسم سمرة، على فيلم الجزيرة، قائلا: “أنا لو موجود كانوا كلهم هيقعدوا في البيت.. أنا أشطر واحد أنا”، في إشارة إلى مقتله ضمن أحداث الفيلم.
وأضاف باسم سمرة: “أنا أشطر من أحمد السقا بكتير، هو في حتة وأنا في حتة، شالوا دوري في فيلم إبراهيم الأبيض؛ عشان وجودي كان هيعمل قلق”.
ووجه باسم سمرة رسالة للفنان أحمد السقا، قائلا: “تحياتي يا حبيبي.. لا أعرف سبب قلق أحمد السقا من وجودي في فيلم الجزيرة، وسألته؟، قال لي:أنا مش مسئول، وسألت المخرج؟، قال لي: الجرافيك ماظبطش”.
تعليق ناري من باسم سمرة على شائعة وفاته
علق الفنان باسم سمرة، على شائعة وفاته، قائلا: "كانت حاجة بايخة جدا، وفيه أصدقاء وقرايب في بلاد تانيه بيتخضوا".
وأضاف: "ماعرفتش مين اللي طلع الشائعة عليا، لكن السوشيال ميديا كارثه كبيرة.. أنا علاقتي صفر بالسوشيال ميديا".
وأوضح أن: "تعامل مع شائعة وفاتي وأبلغت الجميع عن طريق بوست على السوشيال ميديا أني بصحية جيدة"، مؤكدا: "لا أخاف الموت لأن الموت علينا حق، إحنا الفراعنة بتوع الموت والتحنيط، ولن أقوم بكتابة وصية قبل الموت".
