EN 
قالت الفنانة عايدة رياض، إن الفنان محمد رمضان ممثل عبقري وحساس جدا.
متابعة: "من رأسه لكعب رجله فنان وإنسان جميل وكريم جدا ومش بقول كده عشان بشتغل معاه".
وأضافت عايدة رياض، خلال لقائها مع الإعلامي رمضان رفيع، ببرنامج "يلا نحلم"، المذاع عبر فضائية "الحدث اليوم": "أنا مش محتاجة أقول كده لأني ليا تاريخ، وهو يستحق يكون نمبر وان، وسيكون له تاريخ، ومش عارفة الهجوم عليه ليه، ده واجهة لمصر وفنان جميل جدا، ومنعرفش الأسباب اللي خلته يقول أنا نمبر وان".
وأشارت الفنانة عايدة رياض، إلى أن محمد رمضان حصل على مبلغ كبير في الأسطورة، متابعة: "اللي قبله محدش أخد المبلغ ده، وهو قال إنه الفنان اللي أخد أغلى مبلغ وده اللي عمل ظيطة وبدأوا بتنمروا عليه".
وأكدت الفنانة عايدة رياض، أن محمد رمضان لم يتهجم على الفنان الراحل فريد شوقي، متابعة: "رمضان يحترم الصغير قبل الكبير وسعداء أن يكون هناك نجم مثل محمد رمضان، ويجب المحافظة عليه، ممكن يكون مستفز".
