استهتر بمرضه.. وفاة شخص بسبب صاحب العمل يثير ضجة على الفيسبوك

أثارت تفاصيل واقعة وفاة شخص على الفيسبوك، جدلا كبيرا على السوشيال ميديا، بسبب شهرته بعد وفاته.

وكانت وفاته هي السبب في شهرته، حيث كتب على الفيسبوك قبل وفاته شكواه بمرضه وشكوى من صاحب العمل بسبب استهتاره بمرضه، وعدم صرف له جزء من مرتبه لتلقيه العلاج.

وكتب محمد "أبو مالك" قبل وفاته بأيام: "صاحب الشغل بقوله عايز فلوس من شغلي عشان أجيب علاج وأعمل إشاعه، فقال لي لاتمارضوا فتمرضوا اشتغل وتعالى على نفسك وأنت هتخف وأنا دايس علي نفسي بقالي أسبوع لغاية مارجلي التانية تعبت هي كمان من كتر التحميل عليها.. حسبي الله ونعم الوكيل يشوف اللي أنا شايفه يارب".

وكان يعاني محمد علي حسب شكاوه قبل وفاته من عرق النسا وكتب منشور سابق: “أنا بموت من الألم بتعذب حرفيا الدكتور بيقولي يا اما ده مزق شديد يا اما عرق النسا والأشعه اللي هتبين ماشي علي المسكنات ومع كده الألم بيروح وبيرجع تاني مجرد ما المسكن يروح المشكله في الشغل الكل بيحط عليا والنهارده قومت متعجز خالص دعواتكم والنبي الألم من ضهرى الشمال ونازل لغايه ركبتي الشمال أنا  بموت والله ألم فظيع".