أحمد موسى عن هزيمة الزمالك: مصطفى شلبي شاط كورة جتلي مدينة الإنتاج

علق الإعلامي أحمد موسى، على هزيمة نادي الزمالك بهدفين نظفين أمام فريق إنبي في الدوري الممتاز.

وقال موسى خلال برنامج "على مسئوليتي" المذاع عبر قناة "صدى البلد": "بتعملوا في جماهيركم إيه؟، هو اللاعب مش عارف إن فيه جمهور محتاج يفرحه؛ يا أخي اتغلب بس قدم كرة، واعمل جمل وخلي عندك روح؛ فين الروح والكرة؟؛ مفيش أي حاجة؛ لما إحنا بنتكلم كدة على حال أكبر فريقين؛ إذن كيف سيكون حال منتخب مصر!.

وأوضح: "مصر لا يوجد بها لاعبين، حاليًا؛ لافتًا إلى أن الجماهير في حاجة للفرحة بعد تقديم أنديتها آداءً سيئًا أمام الفرق المنافسة، متابعًا: "مصطفى شلبي شاط الكرة جاتلي في المدينة؛ يا أخي اعمل بقيمة العقد بتاعك واسعدوا جمهوركم؛ للأسف مفيش كرة في الأهلي والزمالك".

وأكمل:"الشوط الأول لمباراة الزمالك وإنبي سيء جدًا، إنبي سجل هدفًا استغل فيه سرحان دفاع الزمالك، أنا قعدت أدور على دفاع الزمالك، إنبي جاي يركز علشان يخلص الماتش ده؛ والنهارده بقى فيه فرق مبتخافش من الزمالك أو الأهلي".