هاشتاج "#كلمة_لحسني_مبارك" الأكثر تداولا على "تويتر"

دشن نشطاء على موقع التواصل الاجتماعي "تويتر" هاشتاج جديدا بعنوان "#كلمة_لحسني_مبارك"، شنوا فيه هجوما عنيفا على الرئيس الأسبق، واستنكروا ما قاله فريد الديب عن ثورة يناير.
ولاقى الهاشتاج تفاعلاً كبيرًا من جانب النشطاء الذين تداولوه فيما بينهم، حتى أصبح واحدا من الأكثر تداولا على موقع التواصل الاجتماعي "تويتر".
و‏قال @Mohamedhalim89: "ربنا يوريك يوم من أيام المرضى اللي بيترموا في المستشفيات بدون أدنى رعاية أو تعيش حرقة قلب أمهات قطر الصعيد وعبارة السّلام"، فيما جاء تعليق Rana Fathy: "المشكلة مش فيك لوحدك".
بينما جاء تعليق @aamm_52: "غلطت يوم ماتنحيت وسبت البلد لأننا شعب همجي مانعرفش يعني إيه ديمقراطية ولا عمرنا هنشوفها بنحب اللي يدينا على دمغنا ونسكت"، وقالت Sahar Kamal تعليقا على الهاشتاج: "أكيد ربنا مطول فى عمرك لحكمة ما، إنت أسوأ شيء حصل لمصر".
وقالت Joelle Ahmed: "منك لله في اللي وصلنا له، وفى السياق نفسه، جاء تعليق Donia Selim: "إحنا آسفين يا ريس، كنا المفروض نعمل فيك زي ما ليبيا عملوا في القذافي"، وقالت Heba Emad: "إنت سبب كل حاجة وحشة حصلتلنا لحد دلوقتي ربنا ينتقم منك وﻻ يرحمك".
وعلق tarek saad قائلاً: "رغم اختلافي مع حضرتك في الكثير! إلا أن قرار تنحيك كان من أعظم قراراتك هو وتمسكك بمصرنا بس سؤال محيرني: ليه صرفتم المجاري بنيلنا!"، وفى السياق نفسه قال @M7rusa: "شكرا لأنك بظلمك لغيري واستهتارك بالغلابة وتنكيتك على اللي ماتوا في العبّارة علمتني أثور وأحلم بمصر أحسن لأولادي وأولاد الخلق".
وقال khaled: "مصر في بداية الثمانينيات المركز الـ45 على العالم من حيث التنمية بعد 30 سنة من حكمك بقت فوق 135 أعتقد ده كفاية جدا"، وقال Soliman Gharieb ‏@: "لما إنت راجل محترم يبقى مين اللي سرق؟ مين اللي عذب؟ مين اللي موت؟ إنتوا بتكذبوا وتصدقوا نفسكوا!".
وقال @_sayed_gamal: "شوف أنا مش هشتم عشان خسارة فيك الشتيمة بس إنت وأتباعك دمرتوا مصر خليتوا الشعب بقى عايز يهج من البلد دي. يمهل ولا يهمل"، وقالت @RanaHeweidy: "إنت كنت بتجيب الكهربا والبنزين والغاز منييييييييين؟".
بينما سخر @abdofareg قائلاً: "فريد الديب: إنت قتلت المتظاهرين فى 25 يناير؟؟ مبارك: آه قتلتهم.. فريد الديب: ما هو بيقول لأ أهو أمال فى إيه بقى؟؟".