EN
كشف مصدر بمستشفى العزل بالنجيلة، استقرار الحالة الصحية للدكتور محمد علام نائب مدير مستشفى العزل بالنجيلة بعد إصابة بفيروس كورونا، وفي هذا التقرير نستعرض تفاصيل جديدة حول إصابةنائب مديرمستشفى العزل بالنجيلةبفيروس كورونا.
تفاصيلإصابة نائب مدير مستشفى العزل بالنجيلة بفيروس كورونا
وأضاف أن نائب مدير مستشفىالعزل بالنجيلة، أصيب بالفيروس منذ 16 يوما في 6 أبريل الحالي لافتا إلى أنه منذ إصابتهوهو يتلقي الرعاية الطبية اللازمة.
ترجع تفاصيل الواقعة إلى إعلان الدكتور محمد علام نائب مدير مستشفى العزل بالنجيلة عبر حسابه الشخصي علي الفيس بوك عن إصابته بـ فيروس كورونا.
تعليق نائب مدير مستشفى العزل بالنجيلة على إصابته بفيروس كورونا
وقال علام: للأسف في حاجة مكنتش حابب اتكلم فيها دلوقتي عشان مبقاش سبب ذعر وقلق للناس اللي بطمنهم باستمرار ولأنهاحاجة متوقعةلكل طبيب وكل لما الفترةتطول فرصةحدوثها بتزيد.
وأضاف: أنا اتشخصت كوفيد ١٩ ايجابي من يوم ٦-٤ أنا كنت عارف من أول يوم إنى معرض لكده وراضي ده شغلى وانا مش زعلان ولا كنت خايف والحمد لله هتكمل على خير وحالتى اتحسنت كتيير وان شاء الله قريب أتحولسلبى وأروح.
رسالةنائب مدير مستشفى العزل بالنجيلة لأسرته
وأشار: دي الحقيقةاللي كنت مخبيها باختيارى انا اللى طلبت محدش يعرف عشان اهلي ميقلقوش اللي بيعدواالأياموهما عارفين اللي انا فيه واسف انى اتاخرت كل ده محبتش اعرفهم غير لما اكون بقيت كويس.
اقرأ ايضًا| لم يتعرفا على شكلهما.. طبيبان يصابان بـ كورونا
وقال بعتذر للناس اللي بطمنها باستمرار انى مقلتلكمش بس ان شاء الله هتعدي التزموا باللى بننصح بيه اللى حصل ده وارد لاي طبيب ولا يلام عليه احد نهائيا ومش معرض ليه اى واحد ملتزم فى بيته او فى الشارع ده بسبب اجراءات طبييه معينه وكلنا عارفين الخطر اللى احنا فيه وراضيين وده حسابه عند ربنا مش عاوزين حساب من بشر فيه ده واجبنا اولا واخيرا وشرف ما بعده شرف لكل طبيب.
كلمات مؤثرة من الدكتورمحمد علام بعد إصابته بكورونا
وتقدم بالشكر لكل زميل من الاطباء او تمريض او عامل وقف جمبي في الظروف دى عمرى مهنسالكم اللى عملتوه.
وبشكر كل واحد كتب كلمه حلوه فى حقى على البوستات انا اسف كنت بستغلكم انى اخد منكم طاقه ايجابيه اعدى بيها الفتره دي والحمد لله كلامكم كان ليه مفعول سحر الدعم النفسي شئ رائع.
وقال ان المرض حقيقى واعراضه حقيقيه والناس بتخف حقيقى رجاءا ركزوا فى اللى تقدروا تعملوه وهتعدىوالله العظيم بتعدى لو التزمنا مرحله الخطر عندى عدت وانا دلوقت فى مرحله الشفاء التام وان شاء الله ايام واروح بيتى اجازه صغيره وهتبدء الخناقه مع زوجتى واهلى علشان ارجع تانى.
