EN 
يحيى المطرب إيساف حفلا غنائيا يوم 14 فبراير المقبل بساقية الصاوى وذلك احتفالا بمناسبة عيد الحب.
ويشدو إيساف بعدد من الاغانى التى تنال اعجاب جمهوره والتى تتناسب مع عيد الحب ولعل من أبرزها “اه بحبك وحب جديد وعاشق بحب”.
أغنية قلبها لـ إيساف
وكان عبّر الفنان إيساف، عن سعادته بردود الفعل على أغنيته الجديدة “قلبها” التي طرحها عبر القناة الرسمية الخاصة به على “اليوتيوب”.
قال إيساف، في تصريح لـ “صدى البلد”: “سعيد بطرح أغنيتي الجديدة قلبها، فالأغنية مختلفة وجديدة وعملت عليها بشكل محترف، وتلقيت العديد من ردود الأفعال الرائعة عليها، ومن المقرر ان اقوم بطرح عدد آخر من الأغاني خلال الفترة المقبلة".
تقول كلمات الأغنية: “كان نفسى فعلا أحبها .. ده أنا أغلى حاجه عندها .. بتتعب عشاني ومستعدة .. تتعبلى باقى عمرها .. بزعلها وهى بتنسالى .. ومن جواها صفيالى .. كل ده وأنا بنسى بيها .. واحده كنت بحبها”.
قلبها منها اتسرق .. راح لحد ملوش أمان .. أنا لو تمثال كان نطق .. ده أنا لو حجر كان لان .. كل ده ومستحمله .. ومهتمه بيا ومكمله .. وأنا لسه ليه بحن لواحده .. كانت فيا مهمله".
"قلبها" كلمات رمضان محمد وألحان محمد جمال وتوزيع محمود صبري وإخراج أحمد جيلاني.
أغنية إيساف لـ سمير غانم
و كشف عن إهدائه أغنية " سيرة حلوة " للراحل سمير غانم ، معقباً: "سعيد جداً لأني عملت عمل من قلبي ، وبتمنى يوصل لكل الناس ، وانها تعرف اننا لما بنفتقد فنان عظيم ، بنعبر عن حبنا لي بالفن" .
وأضاف " إيساف " في مداخلة هاتفية مع برنامج " من مصر " المُذاع على فضائية " سي بي سي " ، قائلاً : " اللي بيموت وبيسيب سيرة حلوة ، بيسبها لنفسه قبل ما تكون للناس " ، مشيراً إلى أن هذه كانت بداية لفكرة العمل .
وتابع: "سمير غانم معانا في بيوتنا وقلوبنا من أيام " ثلاثي أضواء المسرح " ، و" فطوطة " ، وغيره من الإنجازات والأعمال الفنية ، لحد إعلانات رمضان اللي فات" .
وأردف: "طول عمرنا بنشوف من سمير غانم ، الانبساط وبس ، وأنه الفنان الوحيد اللي مفيش اتنين يختلفوا عليه نهائياً ، وده اللي شجعنا نعمل الأغنية ديه".
واستطرد : " واحنا بنسجل الأغنية ، كنا بنشغل مقاطع للفنان الراحل ، وسمعنا الأغنية مع المقاطع ، وتأثرنا أكتر بكثير " .
وأشار ، إلى أن هذا أقل واجب يستطيع أن يقدمه للفنان العظيم " سمير غانم " .
ونوه ، " أن طريقه هو فن الكلاسيك ، وليس المهرجانات " ، كاشفاً عن أعماله القادمة ، قائلاً : " فيه اغاني كتير الفترة اللي الجاية " .
