لميس سلامة تروى معاناتها مع كورونا: أتنفس بصعوبة.. والتعب بيزيد أوي بالليل

نشرت الإعلامية لميس سلامة تعليقا جديدا عبر حسابها على موقع التواصل الاجتماعى فيسبوك تروى فيه معاناتها مع الإصابة بفيروس كورونا. 

وقالت لميس سلامة : «مش عارفة اشمعني التعب كله بيزيد أوي بليل..بحس كأن جبل علي صدري تقيل والتنفس بيبقي بصعوبة أوي.. ده أصعب بجد عرض في أعراض الكورونا بيطلع الروح حقيقي..الحمدلله». 

لميس سلامة وفيروس كورونا 

وأعلنت الإعلامية  لميس سلامة ، عن إصابتها بـ فيروس كورونا، وذلك من خلال تدوينة نشرتها عبر صفحتها الرسمية بموقع فيسبوك .

وكتبت لميس سلامة “ كورونا إيجابي وعرفت متأخر بعد ما وصلت للرئة لكن الحمدلله”.

وقالت لميس سلامة : "أنا بقالي اسبوع تعبانة تعب لا يحتمل والحديد وصل لـ٣ وكل شوية نجري علي مستشفي شكل عشان بدوخ و بفقد الوعي وتعب رهيب وعملت خمس مسحات وطلعوا سلبي وعملت كل التحاليل عشان نعرف دي كورونا ولا لا وكل الناس قالولي مش كورونا وفي يوم روحت السعودي الألماني قولتلهم احجزوني الحقوني عالجوني أنا بطلع في الروح قالولي مانتي مش كورونا .

لميس سلامة تعلن إصابتها بـ كورونا: عرفت متأخر بعد ما وصل للرئة

لميس سلامة: جملة «الصعيد أصله منسي» مبقاش ليها وجود | فيديو

وتابعت لميس سلامة : “عملت اكو ع القلب من التعب وبرضه مظهرش حاجة وبعدين في عز مانا بطلع في الروح قولتلهم لبسوني وودوني أعمل مقطعية ع الصدر..واحنا بنحجز قالولي احنا عاملين عرض علي المقطعية مع المسحة مع بعض قولتلهم اعملوها مش هنخسر حاجة”.

وأوضحت لميس سلامة : "فطلعت إيجابي ودخلت ع الرئة وبانت في المقطعية..الحمدلله بدأت العلاج وان شاءالله خير دعواتكم عشان أنا شوفت أصعب أيام حياتي وكنت حاسة ان أنا حقيقي بموت قعدت أدعي ربنا يخليني بس لبنتي ".