أمير كرارة: رامز جلال مش بيرحم ونفسي أشارك في مقلب معاه .. فيديو

أكد النجم أمير كرارة، اقتناعه بفكرة الظهور كضيف شرف مع زملاؤه النجوم، قائلا "ظهور الفنان كضيف ضرف ده بيبقى واجب بنعمله مع أصحابنا لكن لازم أكون رايح أعمل دور شرف في حاجة تستحق وممكن أجامل، ووافقت أكون ضيف شرف مع رامز جلال في فيلم سبع البرومبة".

وأضاف أمير كرارة، خلال حوار ببرنامج "حبر سري" مع الاعلامية أسما إبراهيم، على قناة القاهرة والناس، أن فيلم سبع البرومبة كويس جدا وضم نجوم كبار كضيوف شرف، متابعا: "رامز نجم كبير ومحبوب وأفلامه الكوميدية لذيذة وضيف الشرف كان أحمد السقا وياسر جلال وأنا، وكانت تجربة جميلة ولو مش عاجبني كنت هقول مش عايز".

وعن رأيه في مقالب رامز جلال، رد أمير كرارة قائلا: "رامز جلال يستحق أننا نجامله ولو طلب اشارك معاه فى مقلب نفسي أشارك معاه نعمل مقلب، وبحب برنامجه قوي وأفكاره مجنونة ومطرقعة وتخيلت قبل كده أنه يستضيف حد من النجوم ونعمل مقلب وهو مش بيرحم".