EN 
تحدث الفنان علي السبع عن مشاركته في " أحلام سعيدة و المشوار"، قائلاً:" كلمني أحمد الزغبي" وقال لي تعالي، أنا أعمل أوديشن لدور في مسلسل،ومقليش أي حاجه،و لا قالي أن هبقي أبن يسرا"
وأضاف علي السبع اثناء استضافته مع برنامج"صباح الورد"المذاع على فضائية"تن"، قائلاً:"يسرا ممثلة جميلة، وكريمة، الشغل معاها ممتع جداً في الكواليس وقدام الكاميرا، وبتتعامل معانا كلنا واحد، وكانت على طول بتديني نصايح"
وتابع عن دوره في مسلسل "المشوار"،قائلاً:" المشكلة أن الشخصيتين في المسلسلين كانوا شبه بعض في حاجات بس مش أوي فالحته دي بتبقي صعبة شوية، بالذات أن المسلسلين بيتشافوا في نفس الوقت، فكان لازم ألاقي الحاجات الصغيرة إلي بتميزهم عن بعض،و الحمدلله لقيتهم"
وأوضح الفنان علي السبع، قائلاً:" أهم حاجة الصبر، وأنك تشتغل على نفسك ،الحته دي مهمة جداً لأي حد عايز يمثل أو في أي شغلانة،الحاجة مش هتيجي بالساهل،ومع كل دور صغيرة بيبقي في خبرة أكتر،وبتتعلم حاجات جديدة"
