EN 
فتح الإعلامي خالد الغندور، النار على رضا عبدالعال، نجم نادي الزمالك الأسبق، بعد هجوم الأخير على البرتغالي جيسوالدو فيريرا، المدير الفني للقلعة البيضاء؛ بسبب أداء الفريق.
وقال خالد الغندور في تصريحات عبر قناة نادي الزمالك في برنامج زملكاوي: “الكابتن رضا عبدالعال، أنا بحبه جدًا وهو رجل زملكاوى، ليه آراء قوية جدًا، وأنا كنت بستضيفه بشكل دائم ببرامجي وأنا أكتر واحد أظهرته للإعلام وهو يعلم هذا جيدًا، ولكن يا كابتن رضا، أنت فى المباراة الماضية قولت إن بيراميدز هيكسب الزمالك بنتيجة كبيرة، أنا عارف أنك عاوزنا نكسب، ولكن مش لازم التشبث بالرأي”.
وتابع: “مينفعش يتقال على فيريرا، مدرب عادي وأنه بيكسب بالحظ، وإن تاكيس جونياس، قد فيريرا 100 مرة”.
وأضاف: “مفيش حاجة اسمهما أن لو لا الهدف المبكر الذي أحرزه الزمالك في أول 27 ثانية، لما فاز بالمباراة، ما الكورة كده، الكورة أخطاء، الكورة انتهاز للفرص، الكورة خطة وتكتيك، إزاي كمدير فني تغلق المساحات وتفوز بثلاثية، ومدير فني فتح خطوطه ولم يسجل أهداف”.
وأكمل: “إزاي يا كابتن رضا، تقول على فيريرا كده، فيريرا ده تروح تتعلم منه يا كابتن رضا، تتعلم منه يعنى إيه تدريب، أنا والله بتكلم بجد، كلنا نتعلم من فيريرا، والمدربين المصريين لازم يروحوا للبروفيسور يتعلموا إزاي طلع اللاعبين الشباب”.
واختتم: “لا تقلل من فيريرا، لأنه مدرب كبير جدًا مع مجلس إدارة محترم يحفز اللاعبين مع لاعيبة رجالة”.
