بعد عودتها لـ حسام حبيب.. شيرين: هعيش في النور وأنزل وسط الناس

قالت الفنانة شيرين عبدالوهاب، في أول ظهور لها بعد تعافيها، إنها عادت مرة أخرى لـ حسام حبيب، قائلة: هعيش في النور وأنزل أنا وحسام ناكل فول وطعمية وسط الناس وكنا ناويين نعمل ده يوم السبت.

وردت علي سؤال عمرو أديب عبر برنامجه “مين صاحب فكرة العودة”، لتجيب شيرين: "حسام صاحب الفكرة وهو اللي اقنعني واتكلمنا والحمدلله رجعنا".

وأوضحت: "إحنا كنا في موال كبير وكان معمول لنا حاجة أنا وحسام وقصة كبيرة كنا فيها وكان مفروض نكتب الكتاب يوم السبت اللي فات".

وأكملت:"عايزة أعتذر لحسام وأقفل فقرة حياتي الخاصة مع الناس، لأن الناس انشغلوا بيا وسط مشاكلهم".