EN
التقى موقع صدى البلد الإخباري، بالفنانة نادية مصطفى، على هامش التطوير الذي تم في نقابة المهن الموسيقية مؤخرا، وأجرى معها حوارا خاصا للحديث عن هذه المستجدات.
استدعاء مصطفى كامل لي أتفهم غلط
في بداية الحوار قالت الفنانة نادية مصطفى -عضو مجلس نقابة المهن الموسيقية- إنها اقترحت على النقيب العام الحالي الفنان مصطفى كامل، أن يبدأ بملف الإسكان داخل النقابة، فقام باستدعائها لمعرفة ما دار داخل النقابة، ولكن فكرة الاستدعاء تم فهمها بشكل خاطئ.
وتابعت نادية مصطفى في حوار لموقع صدى البلد الإخباري: «وحصل فعلا واتفتح ملف الإسكان وشاف العقود وشاف الناس اللي استلموا تقريبا، تسعة وتسعين في المية من الناس الأعضاء والواحد في المية اللي ما استلمش ده لأنه هو ما دفعش وكان لازم يدفع في وقت معين وكانت دي المشكلة».
وأضافت نادية مصطفى: «مصطفى كامل قال لا أنا ما كنتش متخيل الصورة دي.. والحمد لله الدنيا متظبطة وما فيش أي مشاكل في الإسكان».
مصر دولة القانون
وتابعت نادية مصطفى أن التحقيقات مع الأعضاء المتهمين في قضايا فساد لا زالت جارية، ولم تخرج نتيجتها بعد.
وأضافت نادية مصطفى: «المستشار القانوني اللي ماسك التحقيق لسه ما قالش كلمته.. فانا مش هينفع ان انا اتكلم على حاجة انا اصلا مش عارفة عنها حاجة انا ولا كنت في لجنة تحقيق ولا كنت مع المستشار اللي بيحقق عشان اعرف هو هيقول ايه».
واستطردت نادية مصطفى: «التحقيق بيكون حاضره اتنين من أعضاء مجلس النقابة .. وفي جهة قضائية من الدولة موجودة. وانا عايزة اقول للناس اطمنوا، مفيش اي حاجة، مفيش أي مشاكل؛ لأن زي ما قولت، مصر هي دولة القانون، فمحدش يقلق، ولا حد يتضايق، ولا نسبق الأحداث، لحد ما نشوف المستشار هيقول ايه».
مصطفى كامل قائد مسيرة الموسيقيين
كما أعربت الفنانة نادية مصطفى -عضو نقابة المهن الموسيقية- عن سعادتها بتكريم الفنان مصطفى كامل لها، تقديرا لجهودها وأعمالها التي أثرت بها الغناء المصري والعربي.
وقالت نادية مصطفى: «سعيدة وفرحانة طبعا كعضو مجلس الإدارة في النقابة .. وبشكر طبعا مصطفى كامل اللي هو بنقول عليه دلوقتي قائد المسيرة».
وتابعت نادية مصطفى: «في قرارات اتخذت لصالح أعضاء الجمعية العمومية من بداية ما تولى واحنا كنا اخدين قبل كده قرارات مثلا زيادة المعاش.. كان المفروض ان بيتزود المعاش كل ست شهور وهو عمل زيادة تانية اول ما مسك كرسي النقابة وتولى المنصب».
وأضافت نادية مصطفى: «مش بس المعاشات اللي زادت.. لأ.. مصطفى كامل كمان زود الحد الأدنى للعلاج، والحد الأدنى مش بس العلاج اللي هو الفواتير بتاعة العلاج؛ لأ، كمان المستشفيات وكده، يعني مبسوطة وسعيدة وفرحانة إن في حاجات جميلة تتعمل لصالح أعضاء الجمعية العمومية».
ونوهت نادية مصطفى قائلة: «فرحت جدا بتجديد مقر نقابة الموسيقيين وبقت بتليق بكل اعضاء الجمعية العمومية.. وانا فخورة ان انا عضو في مجلس الادارة وعضو جمعية عمومية».
قالت الفنانة نادية مصطفى -عضو مجلس نقابة المهن الموسيقية- إن انتخابات التجديد النصفي لمجلس النقابة بيد النقيب العام الفنان مصطفى كامل.
وتابعت نادية مصطفى في تصريحات خاصة لموقع صدى البلد الإخباري: «مصطفى كامل دلوقتي نقيب الموسيقيين.. وهو عارف هنعمل ايه الخطوات اللي جاية.. وهو كل يوم بيعمل حاجة وفي سيستم احنا ماشيين عليه دلوقتي.. وهنشوف.. وهو اللي هيقرر واحنا كلنا معه كمجلس».
حلمي بكر فوق دماغي
وحول تعيين الموسيقار حلمي بكر نقيبا شرفيا للموسيقيين، قالت نادية مصطفى: «خوفه على الفن وخوفه على الأغنية؛ بيؤهله إن هو فعلا يكون النقيب بتاعنا.. فبما إنه مش موجود في منصب النقيب الفعلي؛ فهو النقيب الشرفي، وفوق دماغنا من فوق، أنا بعتز بيه جدا جدا، وبقدره وبحترمه كـ اسم».
هاني شاكر كان بينفق من جيبه للموسيقيين
فيما كشفت الفنانة نادية مصطفى، عن رد فعل النقيب السابق الفنان هاني شاكر، تجاه قرارات النقيب العام الحالي الفنان مصطفى كامل.
وقالت نادية مصطفى: «أكيد فرحان لان هو بيقدر وبيحترم أي حاجة تتعمل لصالح الجمعية العمومية.. وكل الناس عارفة كويس قوي الاستاذ هاني شاكر كان بيحب قد ايه ان هو يقدم خدمات للجمعية العمومية وبيحترمهم وبيقدرهم واضاف كتير برضو لمنصب النقيب بفضله وبفضل مجهود الناس اللي كانوا معاه».
وتابعت نادية مصطفى: «صندوق النقابة كان 7 مليون بقى 70 مليون.. فده طبعا بمجهود برضو جبار عمله هاني شاكر والمجلس اللي معاه، والناس اللي موجودين في النقابة».
وأضافت نادية مصطفى: «هاني شاكر كان بيتعاطف، وكان بينفق أحيانا من جيبه الخاص للناس».
