EN 
نشرت الدكتورة سماح نوح رئيس قسم الارشاد البيطري على صفحتها الشخصية بالفيسبوك منشور عن مرض يصاب به الدجاج .
وقالت رئيس قسم الإرشاد البيطري، لربات المنزل في منشورها "خلي بالك وانت بتشتري بانيه او مثلا اشتريتي فرخة كبيرة قومي بقطع البانية بالسكينه بالعرض أو الطول في عضلات الصدر
حتي تتأكدي انها نظيفه وذلك لضمان عدم وجود اي علامات غريبة مثل الصورة
واضافت سماح لابد من إزالة الأجزاء الغريبة لا فايدة ولا طعم ولكن لها رائحة غير مقبولة وهي عبارة عن عضلة تسمي موزة تحت العضلة الكبيرة بتاعت صدر الفرخة ممكن تكون خضرا
وتظهر إذا كانت دجاجة كبيرة ٣ او٤ كيلو تطبخ علي طول أو تشيلها في التلاجة يوم او اتنين وتطبخ
تلاقي عضلة الصدر بالذات لونها اخضر كدا وناس تفتي انها محقونه هرمون أو عندها ورم أو اكيد واخدة حقن غلط
واضافت نوح دا مرض اسمه green muscle ومعناه مرض العضلات الخضراء
ودا سببه اولا سوء تهوية المكان الخاص بالتربية
وثانيا كبر حجم ووزن الفرخة ..فمش بتقدر تقف ..فترقد
بيحصل أن كمية الأوكسجين الواصل للعضلات بيقل وممكن جدا ما يوصلش ....فيحصل الشكل دا
بالبلدي كدا زي ما نكون خنقنا العضلة دي
ونصحت سماح نوح باستبعاد الجزء دا من الفرخة وناكل الباقي عادي جدا مافيش اي خوف لذلك عليك بشراء فراخ مزارع اشتري الحجم الوسط يعني ٢ ل٢ ونص بيبقي اطعم وناضج ولحمه طري وبتستوي كويس في وقت مناسب
