EN
بنت مصر لـ هناء صلاح الدين
وانا في الغربة - سألوني يا بنت انتي منين.
سرحت في سؤالهم و لبلدي اخدني الحنين
رديت و قلتلهم، انا من بلد الحضارة فيها من آلاف السنين
انا بنت النيل و الاهرامات شاهدين
على عظمة بلادي و كل ذرة في ترابها تقول انا مين
انا من بلد قناة السويس و مشروعها الجديد، بلدي بتطل على بحرين
جغرافية بلادي خلتها مطمع المستعمرين
هاااه بس على مين
اللي يحاول يدوس على طرفها جيشها يبيده و يشهد على كلامي من مينا لنصر 73
بتسألو انا منين؟!!!!
انا من بلد الصعايدة والفلاحين
انا بلد الشباب الجدع و البنات الحلوين
انا من بلد البشرة السمرة و العيون المرسومين
انا من بلد الوطن للكل و لله وحده الدين
انا من البلد اللي قال عنها ربي ادخلوها بسلام آمنين
انا و بكل فخر
انا بنت مصر - اناااااا بنت مصر
