مواطنون : «مرتباتنا بتخلص في نص الشهر» .. فيديو

نظرا لارتفاع الأسعار الجنونى مؤخرا وغلاء المعيشية للفرد ، مع ثبات مرتبات الموظفين ، تزداد الشكاوى يوميا جراء ضعف مرتباتهم مقارنة بـ ارتفاع أسعار مستلزماتهم اليومية ، مطالبين بتساوى دخولهم الشهرية بمقتضيات متطلباتهم اليومية .

رصدت عدسة " صدى البلد " حال المواطنين مع مرتباتهم الحالية ، والحد الأدنى للإنفاق للأسرة فى ظل جنون الأسعار الحالية لمستلزمات الحياة اليومية من المأكل والملبس ونفقات التعليم .

فى البداية يقول سيد حسنى: " المرتبات بتخلص فى نص الشهر ، الخضار واللحوم اسعارها بتتضاعف كل يوم عن اللى قبله" ، مشيرا إلى أن الدخل الأمثل للإنفاق للأسرة يتراوح ما بين 3000 :5000 جنيه ، حتى يتسنى لها تدبير أساسيات احتياجاتها اليومية للطعام والإنفاق على نفقات التعليم الخاصة به" .

ويضيف أحمد منسى: " مش عارفين نلاحق على ارتفاع الأسعار المرعب ده ، وتكاليف مصاريف تعليم ولادنا ، مشيرا إلى اقل دخل للأسرة لازم مايقلش عن 3000 جنيه لتدبير نفقات أسرة مكونة من 3 أفراد ، مضيفا ان المرتبات الحالية " ماتفتحش بيت " ، متابعا" اللى مرتبه 1000 جنيه بيستلف ضعفهم علشان يكمل باقى الشهر" .

وأشارت محسنة محمد ، ربة منزل : " مصروف البيت المفروض مايقلش عن 4000 جنيه ، اسعار اللحمة والخضار والفاكهة زادت الضعف، وحصص "سناتر" الدروس الخصوصية بـ 80، و70 جنيه ، " هنجيب منين لكل ده ؟؟؟ ، مضيفة " ست البيت بتصرف 100 جنيه على الـ 3 وجبات ، وياريت " زى ما الأسعار بتزيد ، المرتبات تعلى هى كمان" .

وتابعت سميرة متولى: " ياريت النواب يشوفولنا حل فى زيادة المرتبات دى ، وزى ما الأسعار بتعلى يزودولنا مرتباتنا ، مشيرة إلى أسعار الخضار والفاكهة واللحوم والفراخ فى الطالع ، و 4000 جنيه كويسين اوى يمشوا بيت فى الوقت ده .

وتابع الطفل عبد الله محمد :"مصروفى 5 جنيه ، وبيكفينى كيك ، وشيبسى وبيبسى ، وإخواتى الأكبر منى بياخدوا 10 جنيه، وساعات أطلب من بابا يزودنى بس مش بيرضى ، الـ 5 جنيه حلوين بس ياريت يزودهم زى أخويا الكبير" .