صور بقميص النوم..إحالة اليوتيوبر أحمد حسن للمحاكمة في التحرش بفتاة على "الواتس"

أحالت نيابة الشئون المالية والتجارية، اليوتيوبر أحمد حسن للمحكمة الاقتصادية لتحديد جلسة لمحاكمته فى اتهامه بالتحرش اللفظى والقولى بحق فتاة عبر مواقع التواصل الإجتماعي.

قال المحامي أشرف فرحات وكيل الفتاة بأن اليوتيوبر أحمد حسن أرسل إلى موكلته رسائل منافية للآداب منسوبة لليوتيوبر أحمد حسن، حيث طلب منها صورًا بملابس المنزل.

فى واقعة جديدة كان قد تورط فيها اليوتيوبر أحمد حسن بحديثه قائلا «انتي جسمك ابيض من حياتي تعالي نتقابل في الفيلا بتاعتى امام مول مصر وهتتبسطي » واتهامه بالتحرش والتحريض على الفسق والفجور مع إحدى الفتيات.

صدى البلد حصل على نص التحقيقات الكاملة في واقعة اتهام اليوتيوبر بالتحرش بـ سما محمد عبر موقع الواتساب .

وقالت سما محمد علي في تحقيقات النيابة العامة بالبساتين،"ان اليوتيوبر احمد حسن كان عامل اعلان على الصفحة بتاعته علي الانستجرام ان هو عايز بنت من سن عشرين سنة إلى سن  خمسة وثلاثون وانا عندما شاهد تلك الإعلان بعتله علشان هو كان عايز يعمل فيلم قصير فأنا كلمته وقلتله انا عارفاك ومن متابعينك بس انا عندي تسعة عشر سنة وبعتلك صوري .

واضافت ،بعدما ارسلت له صوري لقيته بيقولي هكلمك واتس اب وكلمني واتس فعلا على الواتس وبعد كده لقيته بيطلب مني صور خاصة ولقيته "بيقولي انتي جسمك حلو اوي" ، يلا نلعب عريس وعروسه كده شوية، وتعالي البيت هتتبسطى اوى وصوري جسمك بس متورنيش وشك ولو عرفتي تتصوري صور خاصة واحدة بس اتصوري وورهاللي .

وتابعت ، "ان اليوتيوبر احمد حسن أرسل لها رسائل جاءت نصها ":اخلعي التيشيرت واتصوري عارية ، ايه ده انتي جسمك ابيض من حياتي تعالي نتقابل في الفيلا بتاعتى امام مول مصر انتي عسولة قوي وجسمك جامد قوي علي فكره، وقالي كلميني واتس وانا طبعا قولتله انا متجوزة وانا بنت ناس مينفعش الكلام اللي انت قولته ده وبعدين ذهبت لتحرر محضراً ضده بتهمة التحريض على ممارسة الفجور والدعارة".

وأوضحت المجني عليها، ان الكلام ده حصل يوم 14 يوليو 2021، كانت أول رسالة مني ليه على الحساب الشخصي بتاعه على انستجرام، وسبب مناسبة إرسال تلك الرسالة لليوتيوبر احمد حسن انه كان منزل إعلان عايز بنت تمثل معاه في فيلم قصير وأثناء ذلك ارسلت له رساله عبر الانستجرام وبعد كده كلمته واتس أب على الرقم اللي هو بعتهولي.

وأشارت المجني عليها ان الرسائل المتضررة منها ،كانت عبارة عن "ان جسمك حلو قوي ويلا نلعب عريس وعروسة شوية، طيب تعالي البيت هتتبسطى قوي وصوري جسمك بس متورنيش وشك ولو عرفتي تتصوري صور خاصة واحدة بس تصوري وورهاللي طب اقلعي التي شيرت البنك ده واتصوري من غيره ده انتي جسمك ابيض من حياتي تعالي نتقابل في الفيلا بتاعتي امام مول مصر انتي عسولة اوى وجسمك جامد.

واكدت، ان بداية المحادثة مع اليوتيوبر احمد حسن كانت في 14 يوليو 2021، وتحديدا في تمام الساعة الرابعه عصرا، مؤكده ان المتهم لم يقوم بنشر تلك الرسائل على أحد مواقع التواصل الاجتماعي بشبكة الإنترنت.

واستطردت المجني عليها في تحقيقات النيابة ان تلك الأفعال التي صدرت من اليوتيوبر احمد حسن أثرت عليها نفسيا، وسببت لها أضرار فضلاً عن  انه كان عايزني أروحله الشقة، ويمارس معايا علاقة آثمة مقابل أنه يخليني مشهورة.

وتابعت المجني عليها انها قامت بالتواصل مع اليوتيوبر احمد حسن ولم تقوم بحظره، بغرض كشف أمره امام الجميع وخاصة قصاد البنات اللي بتابعه علشان ممكن يكون بيستدرج بنات تانية كتير.

وأشارت ، ان اليوتيوبر احمد حسن شخص مشهور علي مواقع التواصل الاجتماعي وأنها  من ضمن متابعيه على إنستجرام، وفي الفترة الاخيرة شاهدت اعلان له عبر الانستجرام أنه عايز بنت من سن 20 لـ 35 سنة، للقيام بفيلم قصير معه، واثناء مشاهدتي للإعلان بعتله رسالة.
واكدت انه يوجد هناك فتيات أخريات قام للمتهم بارتكاب فعله معهن من قبل، ومن ضمنهم امنية وتوتا ومستعدين يشهدوا معاي في التحقيقات، مؤكده انها كنت تتابع اليوتيوبر احم حسن منذ فتره بسيطة عبر  موقع التواصل الاجتماعي إنستجرام لانه بيقدم مقالب هو ومراته زينب وبنتهم إيلين .

واتهمت المجني عليها اليوتيوبر احمد حسن بالتحريض على ممارسة الفسق والفجور وإقامة علاقة جنسية.
واكد كريم خيري نقيب شرطة بوحدة مكافحة جرائم تقنية المعلومات بقطاع امن القاهرة في تحقيقات النيابة العامة، "اللي حصل انه فيه بلاغ مقدم من المجني عليها سما محمد ، يفيد تضررها من اليوتيوبر  احمد حسن ،  مستخدم الحساب الموثق المسمي (ahmed hasosan) علي موقع التواصل الاجتماعي انستجرام وكذا تضررها بانه يقوم بمراسلتها عبر الواتس اب تتضمن عبارات تحرش جنسي وتحريض علي الفسق ، وبإجراء التحريات الفنية باستخدام لبرامج والتقنيات الحديثة تبين ان مستخدم الهاتف المحمول هو اليوتيوبر احمد حسن، المقيم بشارع سيد طلبة بمنطقة البساتين.

واضاف مجري التحريات انه استخدم التقنيات والوسائل الحديثة التابعة للإدارة العامة لتكنولوجيا المعلومات للكشف عن حقيقة الواقعة وتبين صحتها.

واكد مجري التحريات، انه يعمل علي تلك الواقعة منذ ورد البلاغ من المجني عليها، وتبين ان المتهم أرسل تلك الرسائل عبر تطبيق الواتس اب والانستجرام.

واوضح مجري التحريات امام جهات التحقيق، ان الواتس اب تطبيق مجاني للتواصل الاجتماعي والدردشة يمكن من خلاله التواصل مع الآخرين بشرط امتلاكهم نفس البرنامج ويُمكن البرنامج مستخدميه من إرسال واستقبال اي عدد من الرسائل النصية او الصور او مقاطع الفيديو ،اما تطبيق الانستجرام عباره عن موقع خاص بالتعارف بين أعضاءه يتيح لهم عمل حسابات يتم إنشاؤها بتسجيل عنوان البريد الإلكتروني الخاص بالعضو ويُمكن أعضاؤه من رفع بيانات خاصة بهم وتحميل صور علي صفحاتهم وكتابة تعليقاتهم.